Thursday, 28 03 2024
Ղրղզստանը հայտնել է ՌԴ-ում ահաբեկչություններին մասնակցելու համար երկրի քաղաքացիներին հավաքագրելու փորձերի մասին
Բրյուսելյան սեղանին երաշխիքների փաստաթուղթ կլինի. Բաքվի նկրտումները չեն հաջողվելու
16:07
ՌԴ արտաքին հետախուզության ղեկավարն այցելել է Հյուսիսային Կորեա
Ոսկեպարում սադրիչներ են վխտում. ռուսների ձեռքի գործն է
Գյումրիում հանրային սննդի օբյեկտը կվերսկսի իր գործունեությունը
Այն ինչ ստացանք Արցախում, ստանալու ենք նաև ՀՀ-ում՝ եթե այս տեմպերով շարունակենք. Ստյոպա Սաֆարյան
Մնանք ՌԴ-ի հետ, կմնանք Ռուսաստան-Թուրքիա-Ադրբեջան եռանկյունում, որտեղ խնդիրները կլուծվեն մեր հաշվին
Ավարտվել է Հրազդան քաղաքի 64–ամյա բնակչի սպանության դեպքի առթիվ նախաձեռնված քրեական վարույթի նախաքննությունը
Ո’չ Կոնսերվատորիան, ո’չ «Գոյ» թատրոնը չեն ընդունում ձեր որոշումը. պատգամավորը՝ ԿԳՄՍ նախարարին
Կրթությանը հատկացվող բյուջեն 38%-ով ավելացել է՝ 2023-ի համեմատ. ԿԳՄՍ նախարարի հաշվետվությունը՝ ԱԺ-ում
15:30
Արտասահմանյան ընկերությունների վնասները ՌԴ-ի շուկայից հեռանալու պատճառով գերազանցել են 107 մլրդ դոլարը. Reuters
15:20
«Ռուսաստանը մեկ ամսից ավել գիտեր ահաբեկչության նախապատրաստման մասին». Բուդանով
Ադրբեջանի ՄԻՊ-ը Ստեփանակերտում հանդիպել է այնտեղ մնացած հայերին
Վաշինգտոնի արձագանքը Բաքվի շանտաժին
14:50
Գազայի հիվանդանոցների ⅔-ը չեն գործում. ՄԱԿ
«Մանրամասներ»․ Դավիթ Ստեփանյանի հետ
Ապրիլի 5-ը թույլ չի տա իրագործել ՀՀ-ն կազմաքանդելու ռուս-թուրք-ադրբեջանական համաձայնությունը
14:30
ԱՄՆ-ն պատժամիջոցներ է սահմանել մի շարք ընկերությունների նկատմամբ՝ Հյուսիսային Կորեայի հետ կապերի համար
Վրացի խորհրդարանականներն այցելել են Ծիծեռնակաբերդ
14:02
IoT լաբորատորիա` Հայաստանի ազգային պոլիտեխնիկական համալսարանում
14:00
Live. «Առաջին լրատվական» տեղեկատվական-վերլուծական կենտրոն
Լուրերի օրվա թողարկում 14:00
Պուտինը հայտարարել է, որ Ուկրաինային մատակարարված F-16-երն օրինական թիրախ կդառնան՝ անկախ դրանց գտնվելու վայրից
13:30
ՀԱՊԿ գլխավոր քարտուղարն ընդգծել է, որ Հայաստանը մնում է կազմակերպության դաշնակիցը
«Հայաստան» հիմնադրամը շարունակում է աջակցել Լիբանանում գործող հայկական կրթական հաստատություններին
ФСБ-ի օպերատիվ-հետախուզական աշխատանքները ՀՀ-ում շարունակվում են. Արթուր Սաքունց
«Հայաստանը վերածվել է Արևմուտքի վտանգավոր գործիքի». Զախարովա
13:00
Ուկրաինական նոր օրենքը խտրականություն է դնում ռուսալեզուների, հայալեզուների ու գնչուների նկատմամբ
Քննչական կոմիտեի վետերանները հանդիպել են նորանշանակ քննիչներին
ԿԳՄՍ նախարարն ու Ֆրանսիայի դեսպանն այցելել են ակադեմիական քաղաքի տարածք

Ի՞նչ էր ակնարկում Իրանի պաշտպանության նախարարը Ղարաբաղի մասին

Թեհրանում ապրիլի 16-ին կայացել են Իրանի և Ադրբեջանի պաշտպանական գերատեսչությունների ղեկավարների բանակցությունները: Պաշտոնական այցով Թեհրան ժամանած Զաքիր Հասանովի հետ հանդիպման ընթացքում Իրանի պաշտպանության և զինված ուժերի աջակցության նախարար Հոսեյն Դեհղանը ուշագրավ հայտարարությամբ է հանդես եկել՝ կոչ անելով հայկական և ադրբեջանական կողմերին հասնել հիմնախնդրի լուծմանը խաղաղ ճանապարհով և անել դա «առանց երրորդ կողմի միջամտության»:

Թեմայի շուրջ «Առաջին լրատվական»-ի զրուցակիցն է ԵՊՀ իրանագիտության ամբիոնի վարիչ, իրանագետ Վարդան Ոսկանյանը:

– Պարոն Ոսկանյան, այս հանդիպումն ի՞նչ նշանակություն ունի Հայաստանի տեսանկյունից, և ինչպե՞ս կմեկնաբանեք իրանցի նախարարի հայտարարությունը ղարաբաղյան հարցի մասին:

– Բազմիցս ասել եմ, որ Ադրբեջանը շատ դեպքերում փորձում է կապկել հայ-իրանական հարաբերությունների օրակարգը, և այս համատեքստում սպասելի էր, որ ՀՀ պաշտպանության նախարարի՝ Իրան կատարած այցից և նշանակալի արդյունքներ գրանցելուց հետո ադրբեջանական կողմն էլ է ջանալու «հասնել» Հայաստանին: Զաքիր Հասանովի այցը Թեհրան առաջին հերթին պետք է դիտարկել հենց այս շրջանակներում:

Ինչ վերաբերում է Ադրբեջանի և Իրանի միջև ձեռքբերված պայմանավորվածություններին ու երկկողմ հարաբերություններին ռազմական և պաշտպանական ոլորտում, ապա դատելով առկա սուղ տեղեկատվությունից՝ կարելի է ասել, որ ըստ էության որևէ լուրջ հաջողություն չի գրանցվել: Համենայնդեպս այդ մասին հստակ տեղեկատվություն չունենք:

Անդրադառնալով Իրանի պաշտպանության նախարարի՝ արցախյան հիմնախնդրի հետ կապված հայտարարությանը՝ պետք է նշել, որ հայտարարությունը շատ հավասարակշիռ էր: Այն պարունակում էր բավական կարևոր ուղերձներ՝ մասնավորապես այլ երկրների՝ հակամարտության մեջ չներքաշվելու վերաբերյալ: Եթե բացենք փակագծերը, ապա կարծես թե Իրանի պաշտպանության նախարարը նկատի ուներ թուրքական կողմի ակտիվությունը: Գաղտնիք չէ, որ Ադրբեջանը պարբերաբար փորձում է թուրքական կողմին ներգրավել արցախյան հակամարտության մեջ, լինի դա բանակցային ձևաչափի փոփոխության համատեքստում, թե կոնկրետ ռազմական գործողությունների տեսքով: Ապրիլյան պատերազմը ցույց տվեց, որ թուրքական կողմը ակտիվորեն ներգրավված էր այդ հարցում:

Ընդհանուր առմամբ, իրանցիները դեմ են, որ փոխվի առկա ստատուս-քվոն արցախյան հակամարտությունում: Հատկապես դեմ են, որ փոխվեն ներկայիս սահմանները հօգուտ Ադրբեջանի, որովհետև հայկական կողմը Արցախի Հանրապետության՝ Իրանի հետ սահմանի ողջ երկայնքով ապահովում է նաև իրանական անվտանգությունը և բացառում է այդ տարածքները հակաիրանական նպատակով օգտագործելու հանգամանքը, ինչը չենք կարող ասել ադրբեջանա-իրանական սահմանի վերաբերյալ, որը փաստացիորեն վերածվել է հենակետի՝ հակաիրանական գործողություններ իրականացնելու նպատակով:

Մյուս կարևոր հանգամանքը, որը պիտի նկատի ունենանք, այն է, որ իրանական կողմը պարբերաբար ջանում է հնարավորինս թուլացնել իսրայելական ներկայությունը Ադրբեջանում, իսկ մենք գիտենք, որ այդ ներկայությունը հիմնականում արտահայտվում է ռազմական համագործակցության տեսքով, և բնական է, որ իրանցիներն էլ ջանքեր են գործադրում Ադրբեջանի հետ հարաբերությունների որոշակի մակարդակ պահպանելու միջոցով չեզոքացնել իսրայելական ներկայությունը: Կարծում եմ, որ դրան հասնելը դժվար է լինելու դիվանագիտական միջոցներով, որովհետև ակնհայտ է, որ ադրբեջանա-իսրայելական հարաբերություններն ունեն ռազմավարական կարևորություն երկու երկրների համար էլ: Պարբերական սիրախաղերը, որոնք Բաքուն փորձում է անել Թեհրանի հետ, զուտ ժամանակ շահելու նպատակ ունեն,և միտված չեն երկու երկրների միջև հարաբերությունները բարելավելու հեռահար նպատակների:

– Ովքե՞ր են Դեհղանի հետևյալ ուղերձների հասցեատերերը, որ հակամարտությունը պիտի լուծվի խաղաղ ճանապարհով և որ խնդիրը պիտի լուծվի՝ առանց երրորդ կողմի միջամտության:

– Ակհայտ է, որ իրանական կողմը հստակորեն գիտակցում է, թե ով է պարբերաբար խախտում հրադադարի ռեժիմը, ով է սանձազերծել Ապրիլյան պատերազմը կամ նման լարվածություն արցախյան հակամարտության գոտում: Այս դիվանագիտական զգուշացումը միանշանակորեն ուղղված էր Ադրբեջանին, ընդ որում՝ ուղղված էր հենց Ադրբեջանի պաշտպանության նախարարին, որը նաև պարբերաբար հակամարտության գոտում լարումների սանձազերծման պատասխանատուներից մեկն է:

Ինչ վերաբերում է երրորդ երկրի ներգրավվածության խնդրին, ապա կարծում եմ, որ դրա տակ միանշանակորեն նկատի ունի Թուրքիային, որովհետև թուրք-ադրբեջանական հարաբերությունները, հատկապես, արցախյան հակամարտության ոլորտում, թուրքական ներկայությունը Ադրբեջանի ռազմական դաշտում չեն կարող չանհանգստացնել Իրանին, և իրանցիներն ամեն կերպ ջանալու են բացառել Թուրքիայի հնարավոր ներգրավումը այս հակամարտության մեջ:

– Այդ հայտարարությամբ Իրանը չէ՞ր կարող նկատի ունենալ Մինսկի խմբի համանախագահ պետություններին:

– Իրանական կողմը մշտապես առաջարկում է սեփական միջնորդական առաքելությունը արցախյան հարցում, բայց ես չեմ հիշում որևէ դեպք, որ Իրանը հանդես եկած լինի Մինսկի խմբի համանախագահների ձևաչափի դեմ, հետևաբար չեմ կարծում, թե այս հայտարարությունը ուղղված է Մինսկի խմբի համանախագահներին: Ավելի շուտ Իրանը դրա տակ նկատի ունի կոնկրետ երկիր: Արդեն ասացի, որ ամենայն հավանականությամբ, նույնիսկ միանշանակության ձգտող հավանականությամբ Իրանը դրա տակ նկատի է ունեցել Թուրքիային կամ գուցե նաև Իսրայելի պետությանը: Համենայնդեպս Մինսկի խումբը պետք է բացառել:

Բաժիններ
Ուղիղ
Լրահոս
Որոնում