Ադրբեջանի նախագահ Իլհամ Ալիևը կիրակի զանգահարել է իր թուրք գործընկեր Ռեջեփ Թայիփ Էրդողանին: Այս մասին հաղորդում են ադրբեջանական ԶԼՄ-ները՝ վկայակոչելով Ալիևի մամուլի ծառայությունը:
Ադրբեջանի նախագահը շնորհավորել է Էրդողանին և թուրք ժողովրդին սահմանադրական փոփոխությունների հարցով հանրաքվեն անցկացնելու կապակցությամբ: Ալիևը հանրաքվեի արդյունքները որակել է որպես ժողովրդի կողմից մեծ ներդրում՝ հաջակցություն Թուրքիայի նախագահի քաղաքականությանը:
Էրդողանն իր հերթին շնորհակալություն է հայտնել Ալիևից ուշադրության և շնորհավորական ուղերձի համար: Կողմերը վստահություն են հայտնել, որ Ադրբեջանի և Թուրքիայի միջև հարաբերությունները շարունակելու են զարգանալ բոլոր ոլորտներում: