Հոկտեմբերի 27-ին պետությունը գլխատվեց, պետություն, որի գլխին, Ռոբերտ Քոչարյանին չհաշված, կանգնած էին մարդիկ, ովքեր սիրում էին երկիրը և ունեին երկրի զարգացման այլ տեսլական, և այդ տեսլականը Հոկտեմբերի 27-ով իջավ գերեզման: Այս մասին «Առաջին լրատվական»- ի հետ զրույցում ասաց Երևանի ավագանու «Բարև Երևան» խմբակցության անդամ Անահիտ Բախշյանը, ով այսօր այցելել էր Կոմիտասի անվան Պանթեոն՝ հարգանքի տուրք մատուցելու քաղաքական և պետական գործիչ Կարեն Դեմիրճյանի հիշատակին:
«Չեմ կարող ասել՝ կոռուպցիան լրիվ կվերանար, թե ոչ, որովհետև արդեն մենաշնորհների նշանները կային, բայց հաստատ այն ժամանակ երկրի, պետության շահերն սկսել էին վեր դասել անձնականից, և եթե Հոկտեմբերի 27 չլիներ, մենք կունենայինք այլ Հայաստան»,- նշեց Ա. Բախշյանը:
Անդրադառնալով խորհրդարանական ընտրություններին՝ Ա. Բախշյանը նշեց, որ ոչ մի առաջընթաց չի տեսնում ընտրական գործընթացում. «Հայաստանում ոչ մեկը չի հավատում, որ 1,5 մլն մարդ քվեարկել է, դա ակնառու սուտ է»:
Իշխանության ներսից փոխվելուն ևս Անահիտ Բախշյանը չի հավատում. «Ինչպե՞ս կարող են իրենք իրենց աթոռի ոտքերը կտրել… Դա չի լինի»:
Մանրամասները՝ տեսանյութում: