Friday, 29 03 2024
00:58
Հայաստանի հավաքականն ընկերական խաղում զիջեց Չեխիային
00:54
Վրաստանի ֆուտբոլի ազգային թիմը Եվրոպայի առաջնության ուղեգիր նվաճեց
22:12
Հայաստանի ֆուտբոլի ազգային թիմը Երևանում զիջեց Կոսովոյին
14:53
2 ոսկե, 1 արծաթե, 1 բրոնզե մեդալներ. աշխարհի գավաթի արդյունքները
15:46
Ավելին կարող էի, կուղղեմ սխալներս. Եվրոպայի կրկնակի չեմպիոն Գոռ Սահակյան
15:44
Ուժերս հավաքեցի, կռիվ տվեցի ու առաջին տեղը գրավեցի. Ալեքսանդրա Գրիգորյան
15:42
Արեցի՝ ինչ կարող էի ու հաղթեցի. Եվրոպայի չեմպիոն Վարազդատ Լալայան
15:41
Չեմպիոնության ճանապարհը հեշտ չէր. Հակոբ Մկրտչյան
15:40
Մեդալի գույնը կապ չունի. կարողացա խոստումս պահել, բարձրացնել մեր դրոշը, Հռիփսիմե Խուրշուդյան
21:10
Զուռնա-դհոլով ու դափնիներով դիմավորեցին չեմպիոններին
16:11
Չեմպիոնության համար էի գնացել, հավատում էի, որ կհասնեմ. Արման Անդրեասյան
16:10
Նախ՝ ադրբեջանցի, հետո էլ՝ թուրք մրցակիցներին հաղթեց 10-0 հաշվով ու դարձավ Եվրոպայի քառակի չեմպիոն
Ինչպես գործարքի գնալ ռուսների հետ․ Մանրամասներ Սևիկյանի տրանսֆերից
300․000 եվրո` Ռուսաստանից գնալու համար․ Հայ ֆուտբոլիստի որոշման արժեքը․․․
Մխիթարյանի պատմական ցուցանիշը․ Հայ ֆուտբոլիստը` լավագույն հնգյակում
12:45
Հայաստանի ռեկորդն առանց աշխարհի չեմպիոնի
Լավագույն տղերքը վերադառնում են․ Ֆուտբոլը փրկելու առաջին քայլը․․․
Ռուսաստանի լավագույններն առանց ռուսների․ Ո՞վ կհաջորդի Զախարյանին
«Փյունիկի» պատասխանը ՀՖՖ-ին․ Արթուր Սողոմոնյանը կփոխի՞ որոշումը
Սպերցյանը՝ «Յուվենտուսի» դիտակետում․ Ե՞րբ կկայանա գործարքը
Տարվա գործարքը․ Նոր պայմաններ Հայաստանի լավագույն ֆուտբոլիստի համար
Հաղթել ենթախմբում․ Ինչ է սպասվում Հայաստանի հավաքականին 2024 թվականին
Հայաստան-Ալբանիա․ 2024 թ․ առաջին մեծ իրադարձությունը հայկական սպորտում
2023 թվականի Հայաստանի 10 ամենթանկ ֆուտբոլիստները
12:40
Պատական հաջողություն Երևանում․ 2023 թվականի ոսկե փայլատակումը հայկական սպորտում
12:40
+128 մեդալ․ Հայաստանի նոր ռեկորդը սպորտում
Ինչ է արել Պետրակովը Հայաստանի հավաքականի համար․ Թվեր և փաստեր
Ալեքսանդր Պետրակովը՝ Հայաստանի 2023 թ. լավագույն մարզիչ
Հենրիխ Մխիթարյանը՝ Հայաստանի 2023 թ. լավագույն ֆուտբոլիստ
ՀՖՖ-ի որոշումը Պետրակովի վերաբերյալ․ Գալիք տարվա մեր նպատակը․․․

Մոուրինյոյի նոր «գինեկոլոգիան»՝ առանց Մխիթարյանի ու Իբրահիմովիչի

Ընթացիկ մրցաշրջանում «Մանչեսթեր Յունայթեդը» լավագույն հանդիպումներից մեկն անցկացրեց Պրեմիեր լիգայի 33-րդ տուրում՝ 2:0 հաշվով առավելության հասնելով մրցաշարային աղյուսակը գլխավորող «Չելսիի» նկատմամբ: «Յունայթեդը» հաղթեց առանց Հայաստանի հավաքականի ավագ Հենրիխ Մխիթարյանի և, ըստ էության, առանց թիմի առաջատար, լավագույն ռմբարկու Զլատան Իբրահիմովիչի:

Ոգևորության ալիքի ներքո «Յունայթեդի» շատ երկրպագուներ արդեն իսկ խոսում են Մոուրինյոյի՝ «Չելսիի» գլխավոր մարզիչ Անտոնիո Կոնտեի նկատմամբ տարած փառահեղ հաղթանակի մասին: Ավելին, խոսվում է, որ Մոուրինյոյին վերջապես հաջողվեց ձևավորել մարտունակ և խիստ մոտիվացված կազմ, որը կարող է պայքարել տիտղոսների համար:

Տակտիկական առումով Մոուրինյոն, այո, հաղթեց: «Չելսին» ուղղակի պատրաստ չէր «Յունայթեդի» համար անսովոր 4-3-3 մարտավարությանը: Նման դասավորության «մեխը» Ռեշֆորդ-Լինգարդ հարձակողական դուետն էր: Խաղադաշտում Իբրահիմովիչի լինելու պարագայում թիմն ըստ էության խաղում է նրա միջոցով: Չնայած նման մարտավարությունը դժվար չէ «կոտրել», այնուամենայնիվ, բարձր վարպետության և ֆուտբոլային բարձր ինտելեկտի շնորհիվ Իբրահիմովիչին հաջողվում է բարձր արդյունք ցույց տալ: Անտոնիո Կոնտեն այն մասնագետներից է, ով պատրաստ էր չեզոքացնել վերոնշյալ խաղային մոդելը:

Մոուրինյոն կրկին անգամ դիմեց կտրուկ քայլի՝ փորձելով «լույս աշխարհ» բերել նոր թիմ, որը անակնկալի կբերի մրցակցին: Մոուրինյոյի նոր թիմը կարելի է «ծնված» համարել: Ֆուտբոլային այս «գինեկոլոգիան», սակայն, ոչ միշտ է հաջողություն բերում: Հիշենք 2016 թվականի սեպտեմբերին կայացած Անգլիայի Պրեմիեր լիգայի «Մանչեսթր Յունայթեդ»-«Մանչեսթեր Սիթի» դերբին: Մոուրինյոն անսպասելիորեն մեկնարկային կազմում ընդգրկեց Մխիթարյանին և Լինգարդին: Նա հույս ուներ, որ այս երկու ֆուտբոլիստները եզրային անցումներով անակնկալի կբերեն մրցակցին: Թե Մխիթարյանը և թե Լինգարդը այդ խաղում իրենց հնարավորությունից ցածր հանդես եկան և ընդմիջմանը փոխարինվեցին:

«Չելսիի» դեմ շնորհիվ բարձր արագության՝ Լինգարդը և Ռեշֆորդը տակնուվրա արեցին «Չելսիի» պաշտպանությունը, ինչի հետևանքով էլ լոնդոնյան թիմն ուղղակի տապալվեց: Կոնտեի թիմը չափազանց թույլ և անատամ խաղ ցուցադրեց: Ամբողջ հանդիպման ընթացքում Դե Խեայի դարպասի մոտ, ըստ էության, չեղան իրական գոլային պահեր:

Այս մրցավեճում գլխավոր ֆիգուրը «Յունայթեդի» կիսապաշտպան Անդեր Էրերան էր, ում ջանքերով խփվեցին երկու գոլերը: Առաջին դեպքում Էրերան, կասեցնելով մրցակցի գրոհը, վարպետորեն կատարած փոխանցումով հարվածային դիրք դուրս բերեց Ռեշֆորդին, իսկ երկրորդ խաղակեսում արդեն ինքը դարձավ գոլի հեղինակ:

Հետխաղյա մամուլի ասուլիսում Անտոնիո Կոնտեն, չթաքցնելով զարմանքը, որ Մխիթարյանն ու Իբրահիմովիչը դուրս էին մնացել հիմնական կազմից, հայտարարել է, որ Մոուրինյոն ունի այս երկու առաջատարներին արժանի փոխարինողներ: Ժոզե Մոուրինյոն, հայտնելով իր գոհունակությունը, նշել է, որ սա դեռևս իր թիմի ցուցադրած լավագույն խաղը չէր: Մոուրինյոն նշել է նաև, որ Մխիթարյանին և Իբրահիմովիչին հիմնական կազմում չի ընդգրկել հոգնածության պատճառով:

Կարծում ենք՝ ճիշտ չի լինի խոսել այն մասին, որ գոհ լինելով խաղային նոր մոդելից՝ Մոուրինյոն առաջիկայում ևս հիմնական կազմում չի ընդգրկի Իբրահիմովիչին և Մխիթարյանին: Չնայած այս ֆուտբոլիստները չմասնակցեցին «Չելսիի» դեմ սկզբունքային խաղին, այդուհանդերձ, նրանք թիմի առանցքային խաղացողներից են: Հիշենք, որ օրեր առաջ Մոուրինյոն քննադատել էր թե Ռեշֆորդին և թե Լինգարդին՝ նշելով, որ «Անդերլեխտի» դեմ նրանք միապաղաղ խաղ ցուցադրեցին:

Պորտուգալացի մասնագետի գլխավոր թերությունը թերևս տևական ժամանակում թիմը ձևավորելն է: Նա շարունակ փնտրում է, փորձում է ունենալ խաղային մի քանի օպտիմալ մոդելներ, որոնք այնքան էլ հեշտ չէ ձևավորել: Անկանխատեսելի լինելը, սակայն, կամ նոր թիմ «լույս աշխարհ» բերելը նրա գլխավոր զենքերից է:

«Մանչեսթեր Յունայթեդը» հաջորդ հանդիպումն անցկացնելու է ապրիլի 20-ին՝ Եվրոպայի լիգայի խաղարկության քառորդ եզրափակչի պատասխան խաղում սեփական հարկի տակ մրցելով բելգիական «Անդերլեխտի» հետ: Այս թիմերի միջև Բրյուսելում կայացած հանդիպումն ավարտվել էր ոչ-ոքի՝ 1:1 հաշվով: Անգլիական թիմից աչքի էր ընկել Հենրիխ Մխիթարյանը:

Բաժիններ
Ուղիղ
Լրահոս
Որոնում