Այս տարի «Քաղաքացի դիտորդ» նախաձեռնության շրջանակներում ունեցել ենք 3000-ից ավելի դիտորդ, որոնց 20 տոկոսը սփյուռքահայեր էին կամ հայրենադարձներ: Առաջին անգամ սփյուռքից այսքան մեծ թվով դիտորդներ կային, և ընդհանրապես դիտորդների թիվն այս ընտրություններին մոտ երեք անգամ ավելի էին, քան նախորդ ընտրությունների ժամանակ: Այս մասին «Առաջին լրատվական»- ի հետ զրույցում ասաց «Վերադարձ Հայաստան» հիմնադրամի գործադիր տնօրեն Վարդան Մարաշլյանը:
Նրա խոսքով՝ սփյուռքահայերը Հայաստանից հեռացել են՝ այս պրոցեսի մեջ իրենց դերից և մասնակցությունից ոգևորված: Նրա դիտարկմամբ՝ քվերակության օրը քիչ թե շատ արդար է անցել, զսպվածություն է եղել, և դիտորդները մեծ դեր են խաղացել այդ հարցում:
«Իհարկե, չենք կարող ժխտել, որ մինչ քվեարկության օրը տարբեր կուսակցություններ ընտրակաշառք են բաժանել, և մարդիկ ինքնակամ որոշում են կայացրել վերցնել և քվեարկել նրանց օգտին:
Քաղաքական մրցակցությունը բավականին թույլ է, դժվար է ասել, որ ունենք լուրջ ընդդիամդիր ուժեր, որոնք ունեն ծրագրեր, որի հիման վրա ժողովուրդը այլընտրանքային ուժերին ընտրի»,- նշեց Մարաշլյանը՝ հավելելով, որ բարեկամական, ընկերական կապերը շատ մեծ նշանակություն ունեցան ընտրություններին, և մարդիկ, հատկապես փոքր համայնքներում, նախընտրեցին ձայն տալ նրան, ով խոստացավ աշխատանքով ապահովել»:
Մանրամասները՝ տեսանյութում: