«Առաջին լրատվական»-ի զրուցակիցն է ԱԺ պատգամավոր Թևան Պողոսյանը:
-Պարոն Պողոսյան, անդրադառնանք նոր խորհրդարանի արտաքին քաղաքական դիվանագիտական առաջնահերթություններին: Նախորդ գումարման ԱԺ-ում շատ էր քննարկվում այն հարցը, որ մեր պատվիրակության անդամները ոչ պատշաճ գործունեություն են ծավալել ԵԽԽՎ-ում և միջազգային տարբեր հարթակներում, ըստ Ձեզ՝ կա՞ն վերանայումների, շտկումների առիթներ:
-Իրականում անհնարին է ասել, որ ամեն ինչ լավ է եղել, տարբեր տեղերում խնդիրներ ենք ունեցել, միգուցե ավելի մեծ փորձառություն ունենալու դեպքում այդպես չլիներ: Բայց չենք կարող ասել, որ միայն բացասական արդյունք է եղել, ունեցել ենք նաև հաղթանակներ: Ինչը պետք է փոխվի. նախ պետք է դասեր քաղել անցյալից և առաջին հերթին անձերի ընտրության ժամանակ հաշվի առնել նրանց պատրաստվածության աստիճանը, քանի որ դա, այնուամենայնիվ, դիվանագիտական խնդիր է, և շատ ժամանակ անձերի պատրաստվածությունը շատ կարևոր է, ոչ միայն ելույթ ունենալը, այլ նաև կարողանալը լեզուների տիրապետել, մարդկանց հետ հաղորդակցվել, իրենց աշխարհայացքով դիմացինին գրավել, կապը պահպանել: Գլխավոր խնդիրներից մեկն էլ Հայաստանի ներսում է, որտեղ ձևավորվում է այն բանակցային պաշարը, որը դիվանագետը կարողանում է օգտագործել… Կարևոր է, որ գիտակցեն, որ հայկական դիրքորոշումները անհնարին է անտեսել, քանի որ համընկնում է իրենց արժեքների հետ, և քվեարկելով Հայաստանի դեմ, իրենք կքվեարկեն իրենց սեփական արժեքների դեմ: Դրա համար մենք մեծ աշխատանք ունենք անելու:
Հարցազրույցն ամբողջությամբ՝ տեսանյութում:
