ՀՀ պաշտպանության նախարարության և «ՀայՏեք» կիբեռանվտանգության կենտրոնի համատեղ նախաձեռնությամբ Softline Armenia ընկերությունը ապրիլի 13-ին կազմակերպել էր կիբեռանվտանգության խնդիրների քննարկմանը նվիրված գիտաժողով: «Առաջին լրատվական»- ի հետ զրույցում անդրադառնալով հարցին, թե ապրիլյան պատերազմից մեկ տարի անց անվտանգության առումով ինչ առաջընթաց ունենք և այսպիսի գիտաժողովներն ինչ նպատակ են հետապնդում, ՀՀ պաշտպանության նախարարի տեղեկատվական տեխնոլոգիաների գծով օգնական Արմեն Գնունին նշեց. «Մենք այս պահի դրությամբ տեխնիկապես արդեն բավականին զարգացած ենք և պատրաստ ենք դիմակայելու ցանկացած հարձակման: Այսօրվա միջոցառումը նոր գիտելիքներ կտա: Մեզ հյուրընկալվել է Checkpoint Software ընկերությունը, որը ներկայացնում է նորարարական լուծումները»:
Գնունու հավաստմամբ՝ ժամանակ առ ժամանակ կազմակերպվում են դասընթացներ և զինվորների համակարգչային գիտելիքների ընդլայնմանն ուղղված ծրագրեր են իրականացվում, որպեսզի նրանք կարողանան տիրապետել նոր տեխնիկային:
«Նոր տեխնիկան թույլ է տալու կանխել ցանկացած նոր հարձակում»,- վստահեցրեց Գնունին՝ հավելելով, որ սահմանին առավելագույնն է արվում և շարունակվելու են նոր տեխնիկայով զինելու աշխատանքները, որպեսզի հնարավոր կորուստները նվազագույնի հասցվեն:
Մանրամասները՝ տեսանյութում: