Ռուսական Russia Today հեռուստաալիքը, որը համարվում է կրեմլամետ լրատվամիջոց, «Ադրբեջանական բանակ. ամենահարուստը տարածշրջանում» խորագրով հրապարկում է պատրաստել, որին կցված են Ադրբեջանի զինված ուժերի տեխնիկայի լուսանկարները:
«Ադրբեջանական բանակը մշտական մարտական պատրաստվածության մեջ է Լեռնային Ղարաբաղի հարցով Հայաստենի հետ չլուծված հակամարտության պատճառով: 2000-կան թթ. սկզբին Ադրբեջանը ռազմական բյուջեն ավելացրել է 20 անգամ: Բաքուն գնում է ռուսական, իսրայելական, թուրքական արտադրության զենքեր»,-գրում է Russia Today-ը:
Հրապարակումը մեջբերել է նաև Global Firepower ռազմական հզորության վարկանիշը, որտեղ Ադրբեջանի զբաղեցնում է 60-րդ հորիզոնականը՝ առաջ անցնելով Հայաստանից, որը գտնվում է 34-րդ տեղում:
«Անցած 15 տարիներին ադրբեջանական բանակը հսկայական առաջընթաց է գրանցել: 2003թ. երկրի պաշտպանական ծախսերը կազմել են 160 միլիոն ԱՄՆ դոլար, իսկ 2013-ին՝ 3.7 միլիարդ»,-փաստում է Russia Today-ը:
Հրապարակման մեջ նաև նշվում է, որ Ադրբեջանի ռազմաօդային ուժերի պաշտպանությունը հիմնականում բաղկացած է խորհրդային տեխնիկայից՝ C-300, C-200, C-125, «Բուկ»: