ԱՄՆ-ն առաջին անգամ ռազմական գործողություններում կիրառել է ամենահզոր ոչ միջուկային ռումբը, որի թիրախն են դարձել Աֆղանստանում ԴԱԻՇ-ի զինյալները, հայտնել է Պենտագոնի մամլո ծառայությունը RIA Novosti-ին:
«Հարվածը հասցվել է Նանգարհար նահանգի Աչին շրջանում: Թիրախը դարձել են ԴԱԻՇ-ի զինյալները, նրանց թունելային համակարգը, որը նրանք օգտագործում էին տեղաշարժման համար: Կիրառվել է GBU-43 ռումբ»,- պարզաբանել է մամլո ծառայության ներկայացուցիչը:
Նա հաստատել է, որ ռումբը դարձել է ԱՄՆ կողմից կիրառված ամենահզոր ոչ միջուկային զենքը: Նրա խոսքերով` ռումբը արձակել են MC-130 ինքնաթիռից: