«Առաջին լրատվական»- ի հետ զրույցում անդրադառնալով հարցին, թե ինչպես է գնահատում սփյուռքահայերի, մասնավորապես Սերժ Թանկյանի, Արսինե Խանջյանի դերակատարությունը ընտրական գործընթացների ժամանակ՝ հաշվի առնելով, որ այնպիսի տպավորություն է, թե ընտրությունները ինչ-որ չափով լեգիտիմացվեցին նաև նրանց ներկայությամբ, «Հոգևոր Հայաստան»-ի աջակից Աշոտ Մանուչարյանը նշեց. ««Գրապանահատին» լեգիտիմացնել հնարավոր չէ: Ասենք թե կարելի է դիմացինին հիմարացնել, «գրպանահատին» ներկայացնել որպես երկրի կառավարիչ, ներկայացնել որպես քաղաքական գործիչ և այլն, դա տևելու է շատ կարճ:
Ուրիշ բան է, որ և՛ Սերժ Թանկյանը, և՛ Արսինե Խանջյանը շատ արժեքավոր մարդիկ են մեր ժողորդի համար և մեծ ազդեցություն ունեն, և չի կարելի, որ նրանք վհատվեն և վհատեցնեն մեր ժողովրդին: Նրանցից լրիվ ուրիշ վարքագիծ էր ակնկալվում: Ես ծափահարում են նրանց, որովհետև նրանք առաջինն էին Սփյուռքից, որ որոշեցին կռիվ տալ, որպեսզի Հայաստանը, մեր ժողովրդի օրրանը դառնա իրական օրրան, բայց նրանք էլ կատրեցին կոպիտ սխալներ: Ես կսպասեի, որ նրանք լինեին «մեծ ընտրության» մտքի կրողները:
Նրանք, ովքեր մտել են փոքր պայքարի մեջ՝ կլինեն Նիկոլ Փաշինյանով առաջնորդվող խմբերը, Զարուհի Փոստանջյանով, թե Տարոն Մարգարյանով, նրանց միջից ով գող է, պետք է փախչի, ով անհասկացող է, պետք է հեռանա… Թող Թանկյանը մյուսների հետ գա այստեղ, ներկայացնի, թե ինչպիսին պիտի լինի Երևանի կառավարման համակարգը, Երևանը որպես հայության մայրաքաղաք»:
Մանրամասները՝ տեսանյութում: