Նախկին ԲՀԿ-ական, ապրիլի 2-ին տեղի ունեցած խորհրդարանական ընտրությունների ժամանակ ՀՀԿ ռեյտինգային ցուցակով Արագածոտնի մարզում պատգամավոր առաջադրված Արագած Ախոյանն առաջիկա խորհրդարանում չի լինի: Նա համակարծիք չէ, որ տապալվել է: ԱԺ-ում լրագրողների հետ զրույցում Ախոյանն ասաց. «Բառը ճիշտ չի ընտրված, համաձայն չեմ, որ տապալվել եմ: Կարևորը թիմային հաղթանակն է, որ կատարվեց մարզում, իսկ թե ով ինչքան ձայն հավաքեց՝ արդեն երկրորդական է»:
Հարցին, թե հնարավոր է, որ նա պարտվեց, քանի որ կուսակցությունից դուրս եկավ, Ախոյանն ասաց, որ չի բացառվում նաև այդ հանգամանքը, այնուամենայնիվ, նա պնդեց, որ չի փոշմանել և չի փոշմանելու, որ լքել է ԲՀԿ-ն, նաև նշեց, որ անկուսակցական է և ՀՀԿ-ական դառնալու մասին չի մտածում:
Թե ինչով է զբաղվելու այսուհետ, Արագած Ախոյանը նշեց, որ միջազգային հասարակական կազմակերպության անդամ է, ծրագրեր կան իրականացնելու: Նա նաև հավելեց, որ որ իր ընտանիքը շինարարական բիզնես ունի, կզբաղվի նաև դրանով. «Բացի դրանից ես արվեստագետ եմ, կշարունակեմ նկարել»:
Մանրամասները՝ տեսանյութում: