Լուրեր
Լևոն Տեր-Պետրոսյանին հրավիրում ենք ՀՀԿ-ի քաղաքական դպրոցում դասավանդելու. Արմեն Աշոտյան
  • 14:32
  • 2017-04-13
  • Դիտումներ՝ *

ՀՀԿ փոխնախագահ Արմեն Աշոտյանը կուսակցության կենտրոնական գրասենյակում հրավիրված մամուլի ասուլիսի ժամանակ հայտարարեց, որ «Անդրանիկ Մարգարյանի» անվան քաղաքական դպրոցում դասավանդելու հրավեր են անում ՀՀ առաջին նախագահ Լևոն Տեր-Պետրոսյանին:

«Պատիվ կհամարենք, եթե առաջին նախագահը համաձայնի դասավանդել դպրոցում: Հասկանալի է, որ առաջին նախագահի այցելությունը պատվաբեր է ուսումնական հաստատությունների համար»,- ասաց Արմեն Աշոտյանը՝ նշելով, որ պաշտոնական հրավեր Տեր-Պետրոսյանին դեռ չեն ուղարկել:

Արմեն Աշոտյանի խոսքով՝ երկու պատճառ կա առաջին նախագահին ՀՀԿ-ի քաղաքական դպրոցում դասավանդման հրավեր անելու համար: Առաջինը՝ արևմտյան բազմաթիվ երկրներում նախկին պաշտոնյաներն իրենց գիտելիքները փոխանցում են երիտասարդներին. «Երկրորդ պատճառը եվրոպական է և ցիվիլ, կա համալսարանական ազատություն կոչվածը, որը նշանակում է՝ չսահմանափակել կրթության բովանդակությունը, չզբաղվել գրաքննությամբ, ուստի անգամ այնպիսի հայացքներ ունեցողներ, որոնք կտարբերվեն մեր քաղաքական պլատֆորմից, մեկ է, մենք ուրախ կլինենք, որ այստեղ դասավանդեն»:

Մանրամասները՝ տեսանյութում:

  • Դիտումներ՝ *