Չնայած այն բանին, որ Ռուսաստանը երկար ժամանակ հեռու էր ահաբեկչական հարձակումներից, ապրիլի 3-ին Սանկտ Պետերբուրգում պայթյուն որոտաց։ Վճռորոշ պահին դեպքի վայրում շատ մարդ կար։
Պայթյունը տեղի ունեցավ, երբ նախագահ Վլադիմիր Պուտինը քաղաքում էր։ Առաջ է գալիս արդար հարց, թե ինչպե՞ս Ռուսաստանը կհաղթահարի այդ իրավիճակը։
Կասկած չկա, որ դա մարտահրավեր է Ռուսաստանի համար՝ կապված ահաբեկչության դեմ պայքարի հետ։ Այդպես է ասում Jadeed ռեսուրսից ռուսական հարցերով մասնագետ Ալեքսանդր Կաֆուրին։ Նա նշում է, որ «Սիրիայում Ռուսաստանի ձեռնարկած քայլերն արվել են պաշտոնական իշխանությունների խնդրանքով՝ ահաբեկչության վերացման համար, որին ֆինանսապես և քաղաքականապես օգնում են արևմտյան երկրները՝ ԱՄՆ-ի գլխավորությամբ։ Չի կարելի բաց թողնել նաև նրա խոսքերը տարածաշրջանում Իսրայելի դերի մասին. «Մեր տարածաշրջանում գործողությունների մեծ մասում առկա է սերտ կապ ԱՄՆ հետախուզության և Մոսադի միջև։ Դեռևս վաղ է տեղի ունեցածը կապել իսրայելական ագրեսիային ուղղված պատասխանի հետ, միայն ռուսական անվտանգության ծառայությունները կարող են ցույց տալ հարձակման հետևում կանգնածի ինքնությունը»։
«Երկու տարում ռուսական անվտանգության ծառայությունները կարողացել են կանխել բազմաթիվ ահաբեկչական հարձակումներ, այդ իսկ պատճառով տեղի ունեցածը հանդիսանում է լուրջ ցնցում ահաբեկչություներից տուժած բոլոր երկրների համար»,-ասել է Կաֆուրին։
Այդ պայթյունները չեն ստիպի Ռուսաստանին հետ կանգնել սիրիական պատերազմում իր մտադրություններից։ «Ռուսական արջը կլինի հաստատակամ, և յուրաքանչյուրը, ով գիտի ռուս նախագահին, հասկանում է, որ Ռուսաստանը կկրկնապատկի ահաբեկիչներին ուղղված իր հարվածները՝ լինի Ռուսաստանում կամ Սիրիայում»,-եզրափակում է վերլուծաբանը։