Իրանի կառավարությունը պատասխանատվություն է կրում Սիրիայում տիրող իրավիճակի համար, քանի որ արդեն շատ տարիներ աջակցում է Բաշար Ասադի ռեժիմին, հայտարարել է ՄԱԿ-ում ԱՄՆ-ի մշտական ներկայացուցիչ Նիկի Հեյլին` Սիրիայի հարցով ՄԱԿ-ի ԱԽ-ի արտահերթ նիստում: Այդ մասին հայտնում է RIA Novosti-ն:
«Ոչ միայն Բաշար Ասադի ռեժիմն է կրում պատասխանատվություն: Իրանի կառավարությունը կրում է մեծ պատասխանատվություն: Այն աջակցել և պաշտպանել է սիրիական ռեժիմին շատ տարիներ ի վեր»,- ասել է նա:
ՄԱԿ-ի Անվտանգության Խորհուրդը ուրբաթ օրը անցկացնում է հատուկ նիստ կապված Սիրիայի ավիաբազային ԱՄՆ-ի հասցրած հրթիռային հարվածի հետ: ԱՄՆ որոշմամբ, որն այժմ հանդիսանում է ՄԱԿ-ի ԱԽ նախագահը, նիստը անցկացվում է բաց ռեժիմով: