Friday, 29 03 2024
00:58
Հայաստանի հավաքականն ընկերական խաղում զիջեց Չեխիային
00:54
Վրաստանի ֆուտբոլի ազգային թիմը Եվրոպայի առաջնության ուղեգիր նվաճեց
22:12
Հայաստանի ֆուտբոլի ազգային թիմը Երևանում զիջեց Կոսովոյին
14:53
2 ոսկե, 1 արծաթե, 1 բրոնզե մեդալներ. աշխարհի գավաթի արդյունքները
15:46
Ավելին կարող էի, կուղղեմ սխալներս. Եվրոպայի կրկնակի չեմպիոն Գոռ Սահակյան
15:44
Ուժերս հավաքեցի, կռիվ տվեցի ու առաջին տեղը գրավեցի. Ալեքսանդրա Գրիգորյան
15:42
Արեցի՝ ինչ կարող էի ու հաղթեցի. Եվրոպայի չեմպիոն Վարազդատ Լալայան
15:41
Չեմպիոնության ճանապարհը հեշտ չէր. Հակոբ Մկրտչյան
15:40
Մեդալի գույնը կապ չունի. կարողացա խոստումս պահել, բարձրացնել մեր դրոշը, Հռիփսիմե Խուրշուդյան
21:10
Զուռնա-դհոլով ու դափնիներով դիմավորեցին չեմպիոններին
16:11
Չեմպիոնության համար էի գնացել, հավատում էի, որ կհասնեմ. Արման Անդրեասյան
16:10
Նախ՝ ադրբեջանցի, հետո էլ՝ թուրք մրցակիցներին հաղթեց 10-0 հաշվով ու դարձավ Եվրոպայի քառակի չեմպիոն
Ինչպես գործարքի գնալ ռուսների հետ․ Մանրամասներ Սևիկյանի տրանսֆերից
300․000 եվրո` Ռուսաստանից գնալու համար․ Հայ ֆուտբոլիստի որոշման արժեքը․․․
Մխիթարյանի պատմական ցուցանիշը․ Հայ ֆուտբոլիստը` լավագույն հնգյակում
12:45
Հայաստանի ռեկորդն առանց աշխարհի չեմպիոնի
Լավագույն տղերքը վերադառնում են․ Ֆուտբոլը փրկելու առաջին քայլը․․․
Ռուսաստանի լավագույններն առանց ռուսների․ Ո՞վ կհաջորդի Զախարյանին
«Փյունիկի» պատասխանը ՀՖՖ-ին․ Արթուր Սողոմոնյանը կփոխի՞ որոշումը
Սպերցյանը՝ «Յուվենտուսի» դիտակետում․ Ե՞րբ կկայանա գործարքը
Տարվա գործարքը․ Նոր պայմաններ Հայաստանի լավագույն ֆուտբոլիստի համար
Հաղթել ենթախմբում․ Ինչ է սպասվում Հայաստանի հավաքականին 2024 թվականին
Հայաստան-Ալբանիա․ 2024 թ․ առաջին մեծ իրադարձությունը հայկական սպորտում
2023 թվականի Հայաստանի 10 ամենթանկ ֆուտբոլիստները
12:40
Պատական հաջողություն Երևանում․ 2023 թվականի ոսկե փայլատակումը հայկական սպորտում
12:40
+128 մեդալ․ Հայաստանի նոր ռեկորդը սպորտում
Ինչ է արել Պետրակովը Հայաստանի հավաքականի համար․ Թվեր և փաստեր
Ալեքսանդր Պետրակովը՝ Հայաստանի 2023 թ. լավագույն մարզիչ
Հենրիխ Մխիթարյանը՝ Հայաստանի 2023 թ. լավագույն ֆուտբոլիստ
ՀՖՖ-ի որոշումը Պետրակովի վերաբերյալ․ Գալիք տարվա մեր նպատակը․․․

Ուզբեկստանը «խփեց» Ռուսաստանին, հերթը Հայաստանինն է

Ֆուտբոլի Հայաստանի ազգային հավաքականի կտրուկ վերելքը ՖԻՖԱ-ի վարկանիշային աղյուսակում լայն արձագանք է ստացել հատկապես Ռուսաստանում:

Ապրիլի 6-ին հրապարակված ցուցակում մեր հավաքականն առաջադիմելով միանգամից 18 աստիճանով՝ հանգրվանել է 67-րդ հորիզոնականում: ԱՊՀ երկրների կտրվածքով Հայաստանն այս պահին 4-րդ հորիզոնականում է: Նախկին ԽՍՀՄ պետություններից առաջատարը Ուկրաինան է, որը դասակարգման ցուցակում 37-րդն է: Որքան էլ զարմանալի է, երկրորդ հորիզոնականում է Ուզբեկստանի հավաքականը, իսկ Ռուսաստանը միայն երրորդն է: Առաջադիմելով երեք հորիզոնականով՝ Ուզբեկստանը տեղ է զբաղեցրել 60-րդ տեղում, իսկ Ռուսաստանը նահանջելով մեկ կետով՝ այժմ 61-րդն է:

«Նույնիսկ Ուզբեկստանը «խփեց» մեզ» խորագրով քննարկումներ այսօր ակտիվ կերպով ընթանում են բազմաթիվ ռուսական ֆուտբոլային ֆորումներում: «Ուզբեկները շրջանցեցին մեր «փառապանծ» հավաքականին: Հայաստանի պես փոքր երկրի հավաքականն արդեն 67-րդն է, և չի բացառվում, որ շատ շուտով արդեն հայերը առաջ անցնեն Ռուսաստանից: Ինչ են մտածում մեր ֆուտբոլի չինովնիկները: Առջևում Կոնֆեդերացիաների գավաթի խաղարկությունն է: Նման հավաքականով պարզապես ամոթ է ներկայանալը: Ինչ վերաբերում է Աշխարհի առաջնությանը, ապա կարծում եմ՝ ամեն ինչ պարզ է: Նույնիսկ ենթախմբի արգելքը չենք հաղթահարի»,- թվիթերյան իր էջում գրել է Ռուսաստանի հավաքականի ֆանատ Ստանիսլավ Չուրան:

2018 թվականի Աշխարհի առաջնության կազմակերպիչ Ռուսաստանը, որը չի մասնակցում ընտրական փուլին, հաջորդ ընկերական հանդիպումը անցկացնելու է հունիսի 5-ին Բուդապեշտում՝ մրցելով Հունգարիայի ընտրանու հետ: Չորս օր անց էլ արդեն Մոսկվայում ռուսները կմրցեն Չիլիի հետ: Հաշվի առնելով Ռուսաստանի հավաքականի ներկայիս վիճակը՝ հավանական է, որ այս երկու հանդիպումներից ոչ մեկում Աշխարհի առաջնության կազմակերպիչ հավաքականը հաղթանակ չի տանի:

Վերջին մեկ տարվա ընթացքում Ռուսաստանը անցկացրել է 11 ընկերական հանդիպում, որոնցից ընդամենը 3-ում է հաղթել, 3 հանդիպում ավարտել է ոչ-ոքի և 5-ում պարտվել: Ի դեպ, ռուսները զիջել են այնպիսի հավաքականների, ինչպիսիք են Կատարը, Կոստա Ռիկան:

Հունիսի 4-ին Հայաստանի հավաքականը Երևանում մրցելու է Սենթ Քիթս և Նևիսի ազգային հավաքականի հետ, իսկ հունիսի 10-ին ընտրական փուլի 6-րդ տուրի շրջանակներում կհյուրընկալվի Մոնտենեգրոյին: Առաջին դեպքում բավական մեծ է հավանականությունը, որ Հայաստանը կհաղթի: Վերլուծելով առաջիկա հանդիպումներում հնարավոր արդյունքները՝ իսկապես մեծ է հավանականությունը, որ ամռանը Հայաստանի հավաքականն իսկապես կշրջանցի Ռուսաստանին:

Ինչ վերաբերում է Ուզբեկստանին ապա նշենք, որ այս հավաքականը 2017 թվականի հունվարին Անթալիայում 2:0 հաշվով պարտություն կրեց Հայաստանի չեմպիոն «Ալաշկերտից»: Պարզապես ասիական գոտում մրցելով բավական թույլ հավաքականների հետ՝ ուզբեկները շարունակ վարկանիշային միավորներ են վաստակում:

Ինչ խոսք, ռուսների համար անսպասելի էր ազգային հավաքականի նման անկումը: Որպեսզի ավելի պատկերավոր լինի հավաքականի թույլ լինելը, ռուս երկրպագուները և բլոգերները համեմատականներ են անցկացնում, մասնավորապես, նախկին ԽՍՀՄ երկրների հետ:

Ինչպես Հայաստանի, այնպես էլ այլ երկրների հավաքականների համար, սակայն, առաջնայինը ՖԻՖԱ-ի դասակարգման աղյուսակում որևէ երկրին շրջանցելը չպետք է լինի: Շատ ավելի կարևոր են ընտրական մրցաշարը և խաղի որակը: Ինչ խոսք, ՖԻՖԱ-ի աղյուսակը որոշակիորեն արտացոլում է տվյալ երկրի հավաքականի վիճակը: Այնուամենայնիվ, շատ են օրինակները, որ կարգով ավելի ցածր հավաքականները բարձր դիրք են զբաղեցնում վարկանիշային ցուցակում: Ինչպես նշվեց, Ուզբեկստանը թույլ է նույնիսկ «Ալաշկերտից», և բոլորի համար պարզ է, որ կարգով զգալի զիջում է նաև Ռուսաստանին:

Ինչևէ, նախկին ԽՍՀՄ երկրների կտրվածքով Հայաստանի հավաքականին հաջորդում են Բելառուսը (78), Ադրբեջանը (87), Էստոնիան (101), Լիտվան (101), Ղազախստանը (105), Վրաստանը (122), Լատվիան (124), Ղրղըզստանը (128), Տաջիկստանը (138), Թուրքմենստանը (140) և Մոլդովան (158):

Բաժիններ
Ուղիղ
Լրահոս
Որոնում