Այսօր հրավիրված մամուլի աուլիսում մի շարք դիտորդներ ամփոփեցին ՀՀ խորհրդարանական ընտրությունների վերաբերյալ իրենց դիտարկումները:
«Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանն նշեց, որ բազմաթիվ տեղեկություններ կան, որոնք մտահոգության առիթ են տալիս. «200 տեղամասից հիսուն տոկոսում գրանցվել են վերահսկվող քվեարկության դեպքեր, այլ անձինք նայել են՝ ում է քվեարկում ընտրողը, սա չի վերաբերում սահմանված կարգով օգնողների գրանցմանը:
Շատ տեղերում տևական ժամանակ միայն այդպիսի քվեարկություն էր ընթանում, տեսախցիկի ու քվեախցիկի դասավորությունն այնպես է, որ գաղտնիության խնդիր է առաջացել, տեղամասերում առատ էին կուտակումները:
Տարօրինակ է՝ երբ ամբողջ ազգի զգալի մասը կիրակի առավոտ ութին, ինին զարթնում է, գնում տեղամաս ընտրելու, սա բնական չէ, պետք է ունենա բացատրություն, իսկ մենք կասկածներ ունենք, որ որոշ կուսակցություններ ընտրողին առավոտ շուտ հանում, տանում էին տեղամաս, որ առավել շուտ պարզեին՝ իրենց ընտրողների որքան հատվածն է քվեարկել, որ օրվա ընթացքում դեռ չքվեարկածներին «բերման ենթարկեն»»:
Մանրամասները՝ տեսանյութում:
