ԱՊՀ դիտորդների առաքելությունը կարծում է, որ Հայաստանում տեղի ունեցած խորհրդարանական ընտրությունները եղել են ազատ, թափանցիկ, արդար, ինչպես նաև համապատասխանել են ժողովրդավարական նորմերին: Այս մասին Երևանում լրագրողների հետ հանդիպմանը հայտարարել է ԱՊՀ դիտորդական առաքելության գործադիր քարտուղար Սերգեյ Լեբեդևը:
«Ապրիլի 2-ին ՀՀ Ազգային ժողովի ընտրություններն անցկացվել են սահմանադրությանը, ընտրական օրենսգրքին, ժողովրդավարական նորմերին համապատասխան»,-ասել է Լեբեդևը՝ հավելելով, որ ընտրությունները եղել են ազատ, թափանցիկ և բաց:
Նրա խոսքով՝ ՀՀ քաղաքացիները ազատ կամարտահայտման իրավունք են ունեցել, իսկ ժամանակակից տեխնոլոգիաների կիրառումը բարձրացրել է քաղաքացիների վստահությունը քվեարկության արդյունքների հանդեպ:
