Իրականությունն այնպիսին է, որ մարդիկ գլուխները կորցրել են, չեն հավատում ոչ մեկին, հասարակությունը ակտիվ չէ: Հասարակության մեջ կա մի շերտ, որ վաճառում է ձայնը, մարդկանց 40-50 տոկոսը գումարի է սպասում, արդեն պայմանավորվել է՝ գումարը կվերցնի, ձայնը կվաճառի: Այդպիսի իրավիճակում դժվար է գանահատական տալ, թե ինչ արդյունք կգրանցվի: Այնուամենայնիվ դաշինքը քարոզչության ընթացքում ցանկանում էր վայելել ժողովրդի համակրանքը, մենք կարողացանք մեր վարկանիշը բարձրացնել, համակիրներ ձեռք բերել: «Առաջին լրտվական»- ի հետ զրույցում այս մասին ասաց «Համախմբում» կուսակցության ադամ, ՕՐՕ դաշինքի պատգամավորության թենածու Մանվել Եղիազարյանը:
«Մենք շեղվել ենք մեր պատմության իրական ճանապարհից: Հայրենիքը չի կարող սպասել, մեր դատարկվող հայրենիքի շուրջ մարտահրավերներ են առաջանում, պետք է շտապել»,- նշեց Եղիազարյանը: Նրա խոսքով՝ միլիարդներ գողացող մարդն իրեն դնում է մեծ քաղաքական գործչի տեղ, իրեն դնում է հրեշտակի տեղ, ժողովուրդը չի հավատում նրանց, բայց արենայում չի երևում այն լավ գործիչը, որի շուրջը ժողովուրդը կհավաքվի: Նա նշեց, որ այնպիսի մարդկանց հետ կհամգործակցեն, որոնք ուզում են, որ այս վիճակը շտկվի. «Կարելի է համագործակցել բոլոր այն քաղաքական կուսակցությունների ու գործիչների հետ, ովքեր ցանկանում են այս ողբալի վիճակից դուրս գալ, այս ցավը համընդհանուր է»:
Անդրադառնալով հետընտրական փուլում հնարավոր զարգացումներին, Մանվել Եղիազարյանը նշեց. «Եթե մարդիկ չեն կարողանալու գնալ այդ ճանապարհով, ինչո՞ւ ենք պայքարը սկսում: Ինձ որ մնար, չէի առաջադրվի, փողոցում կպայքարեի, եթե ժողովուրդը պատրաստ է, ես կմիանամ ժողովրդին: Բացի ցանկությունից՝ նաև հնարավորություն պիտի լինի: Մենք էլ ենք մոլորվել, թե ով ում բարեկամն է: Երեկ Ս. Օհանյանին գովերգում էին, հիմա հայտնվել է ընդդիմադիր դաշտում, սկսել են վարկաբեկել: Եթե նա իսկական զինվորական է և չի շարունակելու պայքարը, հետ է կգանգնելու, ուրեմն նրա զինվորականությունը ոչինչ է եղել տարիներ շարունակ: Ամեն մարդ իր անունն է կերտում, իր պատկերն է ներկայացնում»:
«Գողը, ավազակը, սողունը դարձել են փողատեր ու խմում են մեր ժողովրդի արյունը, հայրենիքը բզկտել են արդեն, հայրենիքը սարքել են լեշ ու լեշակերի պես ուտում են: Այս իշխանություններին քշելու համար, բոլոր միջոցներն արդարացված են»,- նշեց Մ. Եղիազարյանը՝ ընդգծելով, որ սա իր անձնական կարծիքն է:
Մանրամասները՝ տեսանյութում: