«Նոր Ընտրական օրենսգրքով քվեարկության կարգի հետ կապված շատ մտավախություններ հայտնեցին, որ լայն հնարավրություն է տալիս վերահսկելու ընտրողի քվեարկությունը: Մինչդեռ գիտենք, որ քվեարկությունը գաղտնի է, և գաղտնիությունը ընտրողի համար ոչ միայն իրավունք է, այլ նաև պարտավորություն:
Այն ընթացակարգը, որը նախատեսված է ԸՕ քվեարկության կամ ընտրություն կատարելու համար, վերահսկման հնարավորություններ է ընձեռում, ինչը նշանակում է, որ ցանկության դեպքում հանգիստ կարելի է մեխանիզմ ստեղծել և վերահսկել ընտրողի քվեարկությունը: Այս մասին «Առաջին լրատվական»- ի հետ զրույցում ասաց «Թրանսփերեսի ինթերնեյշնլ» հակակոռուպցիոն կենտրոնի իրավախորհրդատու Հերիքնազ Տիգրանյանը:
Նա մանրամասնեց քվեարկության գործընթացը՝ խորհուրդներ տալով, թե ինչպես քվեարկել, որպեզի գաղտնիությունը պահպանվի:
Մանրամասները՝ տեսանյութում