ԱՄՆ նախագահ Դոնալդ Թրամփը հրաման է ստորագրել, որով չեղյալ են հայտարարվում նախկին նախագահ Բարաք Օբամայի օրոք սահմանված սահմանափակումները` ուղղված կլիմայի փոփոխությունների դեմ պայքարին, հայտնում է Associated Press-ը:
ԱՄՆ նախագահը հայտարարել է, որ իր հրամանը կդառնա նոր ժամանակաշրջանի սկիզբը: Թրամփի կարծիքով՝ Օբամայի միջոցառումները խանգարել են էներգետիկայի զարգացմանը, իսկ իր որոշումը թույլ կտա ստեղծել նոր աշխատատեղեր:
«Այսօրվա հրամանը ստորագրելով, ես անում եմ ամերիկյան էներգետիկայից սահմանափակումները հանելու պատմական քայլեր` վերացնելով պետության միջամտությունը և հրաժարվելով միջոցառումներից, որոնք ոչնչացնում են աշխատատեղերը»,- ասել է Թրամփը:
ԱՄՆ նախագահը բազմիցս գլոբալ տաքացումն անվանել է «խաբեություն»:
