Ազատության հրապարակից մեկնարկել է «Օհանյան-Րաֆֆի-Օսկանյան» դաշինքի համախոհների երթը Երևանի կենտրոնով:
Ընտրությունների միջոցով հնարավոր կլինի՞ հաղթանակ ապահովել, թե՞ հետընտրական զարգացումներ կլինեն. «Առաջին լրատվական»- ի հարցին ի պատասխան՝ պաշտպանության նախկին նախարար, ՕՐՕ դաշինքի պատգամավորության թեկնածու Սեյրան Օհանյանը նշեց. «Մենք ամեն ինչ պետք է անենք, որ ընտրությունների միջոցով լինեն փոփոխությունները, չգիտեմ ինչ հետընտրական զարգացումներ կլինեն, ժողովուրդը կհուշի, եթե անարդարություններ կլինեն, մենք կփորձենք գնալ օրինակաան ճանապարհով»:
Անդրադառնալով դիտարկմանը, որ Սամվել Բաբայանն իրեն չի համարում քաղբանտարկյալ, Սեյրան Օհանյանն ասաց. «Ես չեմ ասում Սամվել Բաբայանը քաղաքական բանտարկյալ է. ես ասում եմ՝ մինչև չպարզվեն Սամվել Բաբայանի ձերբակալության հետ կապված հանգամանքները, կարծում եմ, որ այս ամենը քաղաքական նպատակներով է արված: