«Ծառուկյան» դաշիքն այսօր ամփոփեց քարոզարշավը: Դաշինքի պատգամավորության թեկնածու Գրիշա Սարգսյանը «Առաջին լրատվական»- ի հետ զրույցում շատ բարձր գնահատեց իրենց հնարավորությունները, և հույս հայտնեց, որ 50+1 տոկոսը կհաղթահարեն:
Նրա խոսքով՝ ՀՀԿ-ն եթե հերթական անգամ ընտրության արդյունքները խեղաթյուրի, դա կլինի ազգի համար ճակատագրական, «չի կարելի, այս ազգն արդեն հետ գնալու տեղ չունի»:
«Վերջին հույսը, որ զարթնել է ժողովրդի մեջ, ես չեմ կարծում, որ Գ. Ծառուկյանը կմեռցնի այդ հույսը, նա իր խաչը մինչև վերջ կտանի»,- վստահեցրեց Գ. Սարգսյանը:
Անդրադառնալով հարցին, թե հնարավոր է հետընտրական փուլում «Ծառուկյան» դաշինքը կոալիցիա կազմի, Սարգսյանը նշեց. «Ծառուկյան դաշինքը երեբեք չի գնալու ՀՀԿ-ի հետ կոալիցիայի: Եթե կատարեն 15 կետերը, հնարավոր է, բայց չեն կատարում, դա բացառված է: Ընդդիմություն հասկացողություն չկա, ի՞նչ ընդդիմություն, ով որ արդարացի պահանջ է դնում իշխանության առաջ, նշանակում է ընդդիմությո՞ւն են: Էսօր էս ազգի խնդիրները պետք է լուծել»:
Սարգսյանի խոսքով՝ «Ծառուկյան» դաշինքի վարչապետի թեկնածուն Գագիկ Ծառուկյանն է:
Մանրամասները՝ տեսանյութում:
