«Ամփոփելով քարոզարշավը՝ այսօր արդեն վստահաբար կարող ենք ասել, որ Հայկական վերածնունդը կլինի այն քաղաքական ուժերի թվում, որոնք ապրիլի 2-ին կունենան ծանրակշիռ հաղթանակ: Այս 25 օրերին իմ անցկացրած հանդիպումները հենց դա են ապացուցում, և ես դրանում համոզված եմ»,- Այս մասին այսօր՝ մարտի 28-ին Աջափնյակ համայնքում քաղաքացիների հետ նախընտրական հանդիպման ժամանակ ասաց «Հայկական վերածնունդ» կուսակցության համամասնական ցուցակի առաջին համար Արթուր Բաղդասարյանը:
Նրա խոսքով՝ Հայաստանը բոլոր ոլորտներում փոփոխության, վերածննդի կարիք ունի, և ըստ նրա՝ կարելի է այդ փոփոխություններին հասնել համարձակ հայացքով և արժանապատվորեն: Բաղդասարյանը նշեց, որ փոփոխությունների գործում մեծ դեր ունի նաև ժողովուրդը:
«Մենք ասում ենք, որ ժողովուրդը պետք է զգա իր պատասխանատվությունը, որ այս երկրում ինչ-որ բան պետք է փոխվի և իրենք այդ փոփոխության մեջ իրենց դերն ու պատասխանատվությունը պետք է ունենան»,- ասաց նա:
ՀՎԿ նախագահը նաև ներկայացրեց նախընտրական այն ծրագրերը, որոնք կյանքի են կոչելու ապագա խորհրդարանում:
Մանրամասները՝ տեսանյութում:
