Հայաստանը և Բելառուսը՝ որպես երկու պետություններ, բացարձակ միանման դիրոքորոշում ունեն միջազգային օրակարգի մի շարք հարցերի վերաբերյալ: Ինչպես հաղորդում է Belta գործակալությունը, այս մասին հայտարարել է Բելառուսը նախագահ Ալեքսանդր Լուկաշենկոն Հայաստանի դեսպան Արմեն Խաչատրյանի հետ հանդիպմանը:
«Մենք բացարձակապես հասկանում ենք այն քաղաքականությունը, որը վարում է Հայաստանի ներկայիս ղեկավարությունը և որն անցկացրել է նախկին ղեկավարությունը»,-ասել է նա:
Լուկաշենկոն միևնույն ժամանակ նշել է, որ կան սուր հարցեր, ինչպես հայերի, այնպես էլ բելառուսցիների մոտ: «Օրինակ, Լեռնային Ղարաբաղը: Ուղիղ կասեմ, դա իմ հարցը չէ, դա մեր հարցը չէ: Մենք այդտեղ անելու բան չունենք: Կան հակամարտող կողմեր, որոնք պետք է լուծեն այդ հարցը: Բայց երբ Հայաստանում կամ Ադրբեջանում այդ երկրների նախագահներն ինձ հարցնում են այդ մասին, ես մի դիրքորոշում ունեմ. մարդիկ արժանի են ապրել արժանապատվորեն: Այնուհետև ասում եմ, որ չեմ հավատում, որ այսօր մարդիկ Լեռնային Ղարաբաղում ապրում են լավ և արժանապատիվ: Ինչ արժանապատվության մասին է խոսքը, եթե ամեն օր զգում ես, որ գլխիդ կարող է ինչ-որ բան ընկնել կամ կյանքդ կարող է ավարտվել»,-ասել է Լուկաշենկոն:
Բելառուսի նախագահի խոսքով՝ իր դիրքորոշումը միանշանակ է. Հայաստանը և Ադրբեջանը պետք է նստեն բանակցությունների սեղանի շուրջ և լուծեն այդ խնդիրը՝ առանց միջնոդների: