«Մենք պայքարում ենք համակարգի դեմ, այլ ոչ թե անձերի, փոփոխություններ են պետք, թարմ ուժ և նոր մտածելակերպ է պետք»,- «Առաջին լրատվական»- ի հետ զրույցում այս մասին ասաց պաշտպանության նախկին նախարար Սեյրան Օհանյանը:
Անդրադառնալով Սերժ Սարգսյանի՝ Արցախում արված հայտարարությանը, որ դեռ չգիտի, թե 2018-ից որտեղ կլինի իր քաղաքական ուժը, բայց եթե լինի, ինքն իր դերակատարությունը կունենա Հայաստանի անվտանգության ապահովման հարցում, և հարցին, թե ինչպիսի Գերագույն գլխավոր հրամանատար է եղել Սերժ Սարգսյանը, Ս. Օհանյանը նշեց. «Ես անձերի նկատմամաբ որևիցե վերաբերմունք չունեմ, ակնհայտ է, որ քաղաքական ուժերը եթե հասնեն ինչ որ հաջողությունների, յուրաքանչյուրն իր նապատակները և իր կարծիքներն ունի: Ես պայքարում եմ հանունի և եթե այդ գաղափարի ներքո պետք են արմատական փոփոխություններ կառավարման համակարգում, ապա պետք է դրանք իրականացվեն:
«Անկախ ամեն ինչից, մենք մեր անվտանգությունն ապահովում ենք այսօր, բայց դրա հետ մեկտեղ տեսնում ենք այն բոլոր թերությունները, որոնք կարելի է ավելի արագ տեմպերով վերացնել, և ավելի առաջընթաց քայերով կարող ենք մեր անվտանգության միջավայրը ձևավորել: Ես իմ աշխատանքային գործունեության ընթացքում բազմաթիվ հարցեր եմ բարձրացրել, ինչի հետ ես համաձայն չեմ եղել, ես այդ մասին բարձրաձայնել եմ»:
Մանրամասները՝ տեսանյութում: