Մինսկի խմբի ամերիկացի համանախագահ Ռիչարդ Հոգլանդն անդրադարձել է այն հարցին, թե ինչու՞ շփման գծում չեն տեղադրվում մշտադիտարկման սարքեր։ Արդյոք սա չի վկայում այն մասին, որ Ադրբեջանը չիրագործելով Վիեննայում և Սանկտ Պետերբուրգում ձեռք բերված համաձայնությունները կարող է կրկին էսկալացիայի դիմել և մնալ անպատիժ։
Անշուշտ մենք հանդիպել ենք նախագահ Ալիևի հետ, արտգործնախարար Մամեդյարովի հետ։ Մի քանի հանդիպումներ ենք ունեցել Բաքվում։ Մեկ անգամ ևս նշեմ՝ որպես դիվանագետ չեմ կարող ասել, թե ինչ ենք քննարկել, դիվանագիտության մեջ այդպես չեն վարվում։ Հետագայում դժվար կլինի ապահովել այն, որ մենք անկեղծ ու բաց քննարկումներ կունենանք դռների հետևում։ Բայց կարող եմ ասել, որ մենք անշուշտ խոսել ենք համաձայնությունների մասին, որոնք ձեռք են բերվել Վիեննայում և Սանկտ Պետերբուրգում։ Մենք վստահ ենք, որ այդ մեխանիզմների ներդրման անհրաժեշտությունը դեռ կա և ցանկանում ենք, որ այն իրականացվի։ Մենք հիմա փորձում ենք ապահովել այն պայմանները, որ առաջնորդները նորից միմյանց հետ նստեն ու խեսեն այս հարցերի մասին, սա է միակ ողջամիտ ճանապարհը, որով կարելի է առաջ շարժվել․ բռնությամբ կամ պատերազմի պատճառով չի կարող դադարեցվել բանակցային գործընթացը։ Տարբեր պատճառներով այս կամ այն երկրի առաջնորդը կարող է խոսել պատերազմի մասին, մյուս կողմն էլ ասի՝ մենք անհետևանք չենք թողնելու, բայց թույլ տվեք ասել, որ դրանք պետք է լինեն բառեր ու երբեք չդառնան գործողություն։ Մենք հիմա փորձում ենք ձևավորել պայմաններ, որը կբերի լուծման իրական ճանապարհի։
