Լոնդոնում խորհրդարանական շենքերի համալիրի գլխավոր դարպասները բացվել են այն բանից հետո, երբ մի քանի օր դրանք արգելափակված էին մարտի 22-ին տեղի ունեցած ահաբեկչական գործողության պատճառով: Ահաբեկչության ժամանակ չարագործը նետվել էր գլխավոր դարպասների կողմը և դանակով հարձակվել ոստիկանի վրա:
Դարպասները, որոնք օգտագործվում են խորհրդարանի տարածք մտնելու համար, սովորաբար բաց են մնում ցերեկային ժամերին, դրանք պահպանում են երկու անզեն ոստիկաններ: Որպես կանոն ոստիկանները շփվում են զբոսաշրջիկների հետ եւ չեն մերժում նրանց հետ լուսանկարվելու խնդրանքները:
Ահաբեկչությունից հետո դարպասները փակվել Էին, իսկ դրսի կողմից դրանց մոտ պաշտպանական արգելափակոց Է կանգնեցվել: Մարտի 27-ի առավոտից խորհրդարանի գլխավոր դարպասները վերաբացվել են, բայց այժմ դրանք պահպանում են հինգ ոստիկաններ, որոնք նույնպես անզեն են: Հետևի մասում՝ մի քանի մետրի վրա, կանգնած են ոստիկանության երկու զինված աշխատակիցներ, իսկ բակի խորքում պարեկում են ևս մի քանի ոստիկաններ:
Դարպասների և համալիրի արգելափակոցի մոտ հարյուրավոր ծաղկեփնջեր են դրված՝ ի հիշատակ ահաբեկչական գործողության հետեւանքով զոհվածների: