«Մեր հանրակրթական հաստատությունները արդեն իսկ հայտնվել են բավական ծանր իրավիճակում և սա իրականում համակարգ է, այդ համակարգն արդեն ներդրված է ուսումնական հաստատություններում: Այսինքն՝ խնդիրն այն է, որ ստեղծված է մի ենթահամակարգ, որը կրթության հետ որևէ կապ չունի. սա բավական մեծ խնդիր է»,- այս մասին լրագրողների հետ հանդիպմանն ասաց կրթության փորձագետ Սերոբ Խաչատրյանը՝ անդրադառնալով մանկապարտեզների և տնօրենների կողմից ընտրողների ցուցակագրման օրերս արձանագրված փաստին:
Կրթության փորձագետի խոսքով՝ փաստորեն այսօր ունենք մի վիճակ, երբ տնօրեններին չեն պարտադրում դառնալ ՀՀԿ-ական, քանի որ համակարգն արդեն ներդրված է. «Մարդն ինքնակամ անդամագրվում է, հասկանալով, որ հակառակ պարագայում ինքը համակարգից դուրս է մնալու, և իր դպրոցը դրանից կարող է տուժել: Սա էլ բերում է մի իրավիճակի, որ ազատամիտ, ստեղծագործ, մանկավարժական լուրջ կարողություններ ունեցող մարդիկ այլևս չեն ուզենա տնօրեն աշխատել, երբ որ աշխատանքի գնահատվածության չափանիշներից մեկը լինելու է ընտրական պրոցեսների մեջ ներգրավվածությունը: Սա բերելու է տնօրենների որակական հետընթացի»:
Մանրամասները՝ տեսանյութում:
