ԸՕ քարոզչքության վերաբերյալ դրույթներում հստակ տերմին չենք տեսնի այն մասին, որ ցուցակագրումն արգելվում է: Բայց կան քարոզչության կանոններ և որոշակի սահմանափակումներ ու արգելքներ, որոնք նախատեսված են քարոզչություն իրականացնող անձանց համար: Այս մասին այսօր՝ մարտի 27-ին, լրագրողների հետ հանդիպմանն ասաց «Թրանսփերենսի ինթերնեյշնլ» հակակոռուպցիոն կենտրոնի իրավախորհրդատու Հերիքնազ Տիգրանյանը, անդրադառնալով դպրոցների և մանկապարտեզների տնօրենների կողմից ընտրողների ցուցակագրման փաստին:
«Իրավախորհրդատուն մանրամասնեց, թե տնօրենների այդ գործողությամբ օրենսդրորեն ինչն է խախտվում. Նշվեց սուբյեկտների շրջանակ՝ դրանք մանկավարժներն են, որոնք թեև ԸՕ-ով քարոզչություն իրականացնելու համար արգելված սուբյեկտ չեն, սակայն նրանց համար կա հստակ սահմանափակում՝ իրենց լիազորություններն իրականացնելիս նրանք չեն կարող զբաղվել քարոզչությամբ: Կարող է լինել հակադարձում, որ մանակավարժներն այս դեպքում ցուցակագրելով չեն իրականացրել քարոզչություն, այլ ընդամենը մոբիլիզացրել են իրենց ընտրազանգվածին, բայց ԸՕ-ն ունի մեկ այլ դրույթ՝ 22-րդ հոդվածն է, որը հստակ արգելում է ընտրողի կամքի ազատ արտահայտման վրա ներգործությունը, նաև կա քրեական պատասխանատվություն՝ ընտրողի կամքի ազատության վրա ազդելու դեպքերում, ինչը նշնակում է, որ մանկավարժները, ունենալով ծառայողական որոշակի ենթակայության հարաբերություններ, իրենց մանակավարժների, ծնողական համայնքի նկատմամբ, երբ որ իրականացնում են հավաքագրման գործողություններ, արդեն իսկ ազդում են ընտրողի կամքի ազատ արտահայտմնա վրա»,- նշեց Հերիքնազ Տիգրանյանը, ընդգծելով, որ այստեղ կան քրեորեն պատժելի արարքներ:
Մանրամասները՝ տեսանյութում:
