Հարավկորեացի դատախազներն այսօր հայտարարել են, որ նախկին նախագահ Պակ Կին Հեի կալանավորման հրաման են պահանջում կոռուպցիոն գործով, որն արդեն հանգեցրել է նրա պատոնանկության։ Այս մասին հայտնում է «Յոնհապ» գործակալությունը։
Քաղաքական կուրս ընտրելու հարցում Կորեայի նախագահին օգնել էին գուշակները, աղանդավորները։
Պակ Կին Հեին սպառնում է կաշառակերության, իշխանության չարաշահման, ճնշում ցուցաբերելու և կառավարական գաղտնիքների արտահոսքի մեղադրանք։ Գործը կապված է նրա գուշակ ընկերուհու՝ Չհվե Սուն Սիլի հետ։
Անցած շաբաթ Պակ Կին Հեին հարցաքննել էին այդ գործով։ Եթե Սեուլի շրջանի կենտրոնական դատարանը հրաման տա, ապա նա կդառնա երկրի երրորդ նախկին նախագահը, ով կկալանավորվի քրեական մեղադրանքներով՝ Ռո Դե Ու-ի և Չոն Դու Հվանից հետո։
Պակ Կին Հեն իշխանությունից պաշտոնապես հեռացվել էր մարտի 10-ին։
Չհվեն Սուն Սիլը մեղադրվում է նրանում, որ ստիպել է մի քանի տասնյակ խոշոր ընկերությունների գումարներ հատկացնել երկու ոչ կոմերցիոն հիմնադրամներին։ Գործում շրջանառված գումարի չափը կազմում է 65.6 մլն դոլար։