Իրաքի վարչապետ Հայդեր ալ-Աբադին հայտարարել է, որ իրաքյան բանակը հաջորդ մի քանի շաբաթներին դուրս կմղի ԴԱԻՇ ահաբեկչական խմբավորմանը երկրի տարածքից։
«Իրաքում ԴԱԻՇ-ի պարտությունն արդեն կանխորոշված է։ Մենք (ԴԱԻՇ-ի) վերջը կդնենք շատ արագ…հաջորդ մի քանի շաբաթների ընթացքում»,-հայտարարել է նա Fox News հեռուստաալիքի հետ հարցազրույցում։
Աբադիի խոսքով՝ Իրաքին անհրաժեշտ է ԱՄՆ ԶՈւ օգնությունը զորքերի նախապատրաստման, լոգիստիկ աջակցության և հետախուզության գործում։ «Դա, իմ կարծիքով՝ երեք կարևոր տարրեր են, որոնց պատճառով Իրաքում մեզ պետք են ԱՄՆ-ի զորքերը»,-հավելել է ալ-Աբադին։
«Պայքարն ահաբեկչության դեմ մեր առաջնահերթությունն է։ Եվ դա պետք է առաջնահերթություն լինի բոլորի համար»,-նշել է իրաքյան կառավարության ղեկավարը։ Նրա կարծիքով՝ խաղաղության հասնելու համար պետք է շատ ավելին, քան պատերազմում հաղթանակը, այդ իսկ պատճառով Իրաքին անհրաժեշտ է նրա գործընկերների օգնությունը, քանի որ ահաբեկչությունն իրենից վտանգ է ներկայացնում ողջ աշխարհի համար։