Հյուսիսկորեական պետական DPRK Today պարբերականը հրապարակել է տեսանյութ, որում ընդօրինակվում է հյուսիսկորեացի հրաձիգների թիմի կողմից ամերիկացի զինվորականների ոչնչացումը։
Հոլովակում ցուցադրվում են թիմի մարզումները։ Կադրերն ուղեկցվում է «Մեր մահացու կրակոցները հնչում են ոչ միայն տիրերում և մարզադաշտերում» գրությամբ։
Հետո ցուցադրվում են ամերիկացի զինծառայողների, կործանիչների և ականակիր նավերի պատկերները, ինչպես նաև կադրեր պատերազմի ժամանակ ավերված հյուսիսկորեական բնակավայրերից։ Այնուհետև կրակոցներ են հնչում, որոնց արդյունքում զինվորականների պատկերների վրա հայտնվում են փամփուշտից առաջացած անցքեր։
ԱՄՆ-ի և Հարավային Կորեայի լայնածավալ համատեղ զորավարժությունների ֆոնին հյուսիսկորեական մամուլը հաճախ է հրապարակում տեսահոլովակներ, որոնցում նմանակում է ամերիկացի զինծառայողների կամ ամերիկյան ռազմական տեխնիկայի ոչնչացումը։ Վերջին նման տեսանյութը հրապարակվել էր մեկ շաբաթ առաջ։