«Հոգևոր Հայաստան»- ը, «Հայք» նախաձեռնությունը և ՕՐՕ դաշինքը միավորվում են և առաջիկայում համատեղ գործողություններ են ծավալելու: «Առաջին լրատվական»- ի հետ զրույցում, անդրադառնալով հարցին, թե ինչով էր պայմանավորված այս միավորումը, արդյոք պահի հրամայականն էր, «Հոգևոր Հայաստան» նախաձեռնության աջակից Աշոտ Մանուչարյանը մանրամասնեց. «Գնում է մի ընթացք՝ «Հոգևոր Հայաստան»- ը դիմել էր բոլոր կազմակերպություններին, կուսակցություններին, իշխանությանը՝ տեղեկացնելով, որ կա այսպիսի նախագիծ, նախագիծը հայության ամբողջականացումն է՝ հայկականության հիման վրա: Համախմբվելը հիմա հրամյական է»:
Ա. Մանուչարյանի խոսքով՝ «Հոգևոր Հայաստան»- ը շահագրգռված է, որ հնարավորինս շատ կուսակցություններ ներգրավվեն այդ նախաձեռնությանը:
Մանուչարյանի գնահատմամբ՝ «ընտրությունները դանակահարությունների մրցույթ է, փողերի, ստորությունների, ինտրիգների մրցույթ է»: «Ընտրություններն ինձ համար ոչ մի նշանակություն չունեն, ինձ հետաքրքրում է մեկ բան, մարդիկ պատրա՞ստ են ստեղծել նոր իրականություն՝ նոր մարդ, նոր հասարակություն, նոր աշխարհ»: Նրա կարծիքով՝ բոլոր կուսակցություններում էլ կան մարդիկ, որոնք պատրաստ են, և կան մարդիկ, որոնք խիստ խանգարող են:
Անդրադառնալով Սամվել Բաբայանի ձերբակալմանը, Աշոտ Մանուչարյանը նշեց. «Դա պայմանավորված է իշխող համակարգի տոտալ ավանակությամբ: Իշխող համակարգում կեսը լրտես են, կեսը՝ փողից շլացած: Լրտեսները ստիպում են երկիրը կործանող քայլեր անել… Ավանակ վիճակից դուրս գալու համար երբեք ուշ չէ, անգամ Ս. Սարգսյանի համար»:
Մանրամասները՝ տեսանյութում:
