Այսօր Ելք դաշինքը քարոզարշավ է իրականացրել Լոռու մարզում: Վանաձորում էլ տեղի ունեցած հանրահավաքին ելույթ ունենալով՝ «Ելք» դաշինքի պատգամավորի թեկնածու Սասուն Միքայելյանը նշեց, թե այս իրավիճակից դուրս գալու ելքեր են փնտրում, ինչպես փնտրել են 30 տարի առաջ: «Մենք ելք գտանք, այսօր ելք գտնելու ամենամեծ հնարավորությունը ժողովուրդ ջան դուք եք, մեր համախմբվածությունն է: Այս իշխանություններն այս տարիների ընթացքում արհամարհել են ամեն ինչ, անտեսել են մեր հաղթանակը, մեր բազմաչարչար ժողովորդի նվաճումները, որին ականատես է եղել մեր սերունդը»:
Ս. Միքայելյանը ընդգծեց, որ այսօր իրենք գնում են սերնդափոխության: «Ոչ մեկ` Սերժ Սարգսյան լինի, Ռոբերտ Քոչարյան լինի, Լևոն Տեր-Պետրոսյան լինի, իրավունք չունի մեր ազատության վրա ազդի, որովհետև այդ նվաճումներն անհատական չեն, այլ ընդհանուր: Մենք պարտավոր ենք կանգնել, համախմվել, առնել այս արհավիրքի դեմը»,- նշեց Ս. Միքայելյանը՝ հավելելով, որ ազատության բացակայությունը տանում է կործանման:
«Եթե հիմա այդ մարդիկ հոխորտում են, որ պետք է 6 շրջան հանձնենք, մենք էլ մի լավ խոսք ունենք. եթե մենք այս իշխանությունների դրվածքով առաջ գնանք, կորցնելու ենք Հայաստանն ու Արցախ աշխարհը: Սպարապետը մի լավ խոսք ուներ` ես վախենում են բոլոր չվախեցողներից: Բայց ես այսօր վախենում եմ բոլոր վախեցողներից, որովհետև այսօր իշխանությունը հզորներին ուզում է ջնջել », – հայտարարեց Ս. Միքայելյանը:
Մանրամասները՝ տեսանյութում: