ԱՄՆ նախկին փոխնախագահ Ջո Բայդենը կարծում է, որ կարող էր հաղթել ընտրություններում և գերազանցել Դոնալդ Թրամփին, եթե մասնակցեր պետության ղեկավարի աթոռի համար պայքարին։ Այս մասին հայտնում է The Hill պարբերականը։
«Ես ծրագրել էի առաջադրվել որպես նախագահի թեկնածու, և չնայած նրան, որ փրայմերիզը ծանր էր, կարծում եմ՝ կկարողանայի հաղթել»,-հայտարարել է նա՝ ելույթ ունենալով Հեմիլթոնի (Նյու Յորք նահանգ) Կոլգեյթի համալսարանում։
Քաղաքական գործչի խոսքով՝ ինքը բավարար հիմքեր ունի կարծելու, որ հենց ինքը կհաղթեր, եթե Դեմոկրատական կուսակցությունն իրեն առաջադրեր։
«Փոշմանու՞մ եմ ես այն բանի համար, որ նախագահ չեմ։ Այո՛։ Ես այդ պաշտոնին համապատասխանում էի բոլորից լավ»,-հայտարարել է նա։
Բայդենը չառաջադրվելու իր որոշումը կապել է որդու հետ ժամանակ անցկացնելու անհրաժեշտության հետ։ Որդին՝ Բոն, ով տառապել է քաղցկեղից, այնուհետ մահացել է։