Ամերիկյան Uber ընկերությունը տեղեկություն է տարածել առանց վարորդի տաքսիների հետագա փորձարկումներից հրաժարվելու մասին՝ Արիզոնա նահանգում փորձարկվող ավտոմեքենայի մասնակցությամբ վթարից հետո: Այս մասին հայտնում է Reuters-ը:
Հաղորդվում է, որ առանց վարորդի ավտոմեքենան բախվել է Volvo ամենագնացի: Վթարի մեղավորը Volvo-ի վարորդն է եղել, քանի որ ճանապարհը չի զիջել տաքսիին:
Պատահարի հետևանքով ոչ ոք չի տուժել:
«Մենք շարունակում ենք ուսումնասիրել այդ դեպքը»,- ասել են Uber-ում՝ նշելով, որ ներկայումս տեխնոլոգիայի փորձարկումները դադարեցվել են: