«Չէի ասի վճռորոշ, սակայն, այնուամենայնիվ, քարոզարշավն իր ազդեցությունը կուենա ընտրությունների վերջնարդյունքի վրա: Ընտրվելու է նոր որակի Օրենսդիր մարմին, որովհետև հանրապետությունն անցնում է խորհրդարանական համակարգի, այլևս նախագահական ընտրություններ չեն լինելու, և կարծում եմ, որ դրան համարժեք բանավեճ չկա»,- «Առաջին լրատվական»- ի հետ զրույցում այս մասին ասաց Լոռու նախկին մարզպետ Վիգեն Խաչատրյանը:
Նա նաև հավելեց, որ խորհրդարանն ունի 3 առաքելություն՝ առաջին՝ օրենքներ է ընդունում, վերահսկողական լիազորություններ ունի՝ վերահսկում է օրենքների կիրառման ընթացքը, և երրորդ՝ ներկայացուցչական մարմին է՝ ներկայացնում և պաշտպանում է հասարակական շահերը: «Այս ամենի շուրջ բանավեճն ամբողջ թափով չի ծավալվում, թե ինչպիսին պիտի լինի Ազգային ժողովը»,- նշեց Վ. Խաչատրյանը:
Անդրադառնալով ռեյտինգային ընտրակարգին, Վ. խաչատրյանը նշեց, որ եթե կոնկրետ ընտրատարածքից ընտրվում է պատգամավոր, դա իրականում լավ բան է. «Սակայն, որպես կանոն, մենքն հռչակում ենք լավ բաներ, բայց հետո այլասեռում ենք բովանդակությունը: Հիմա հերթական այդպիսի երևույթն է նկատվում»:
Ըստ Խաչատրյանի՝ ռեյտինգային համակարգը ախտորոշիչ դերը կատարեց և մեր հասարակական, քաղաքական կյանքի ամբողջ արատները ջրի երես հանեց»:
Մանրամասները տեսանյութում: