«Հոգևոր Հայաստան»- ը վերքաղաքական, ապաքաղաքական ուժ է, աջակցում է «Հայք» ծրագրին, որը հեղինակել են մի շարք քաղաքական ուժեր: Այս մասին «Առաջին լրատվական»- ի հետ զրույցում ասաց երգիչ, երգահան Եղիշե Պետրոսյանը՝ հավելելով, որ «Հայք»-ը համազգային լուրջ ծրագիր է, և իրենք շահագրգված են, որ հնարավորինս շատ մշակութային, տնտեսական, քաղաքական ուժեր ներգրավվեն, որի շնորհիվ հնարավոր կլինի ավելի արագ իրականացնել ծրագիրը:
Նրա խոսքով՝ առայժմ քաղաքական ուժերից միայն ՕՐՕ դաշինքն է արձագանքել այս ծրագրին: «Մենք ժամանակ չունենք, մենք երկիր ենք կորցնում, հասարակություն ենք կորցնում, թող վաղն էլ ՀՀԿ-ն միանա, մենք միայն կողջունենք: Մեր գերնպատակը համայն հայության ուժերը ներգրավելն է, որպեսզի մենք կարողանանք մեր ազգի առաջ կանգնած խնդիրները պատվով լուծել»,- նշեց Ե. Պետրոսյանը:
Նրա հավաստմամբ՝ առաջիկա ընտրություններում «Հոգևոր Հայաստան»- ը որևէ քաղաքական ուժի չի սատարի. «Մեր խնդիրը քաղաքականը չէ, «Հոգևոր Հայաստան»- ը «զանգակատուն» է, բոլորին կարգի ենք հրավիրելու և կանչելու ենք… Ինչը մերժելի է մեր հասարակության համար, մենք այդ մասին կահազանգենք»:
Մանրամասները՝ տեսանյութում: