«Իմ կարծիքով՝ եթե դա սադրանք է, ապա շատ կարճ ժամանակահատվածում կբացահայտվի, որովհետև մենք բոլշևիկյան տարիներին չենք ապրում, որ կալանավորեն և մեկուսացնեն աշխարհից, ինչն ինձ հետ բազում անգամներ եղել է: Փաստաբան կա, կգնա, կտեսնի, կգա: Որևէ մեկնաբանություն չեմ անի, որով հետև իմ ունեցած տեղեկությունը բավարար չէ: Ինձ համար ԱԱԾ հայտարարությունը բավարար չէ, ես դեռ պետք է լսեմ Սամվել Բաբայանի կարծիքը, թեկուզ նրա փաստաբանի միջոցով… Այս իշխանություններից ամեն բացասական բան սպասելի է»,- «Առաջին լրատվական»- ի հետ զրույցում ասաց ԱԻՄ առաջնորդ Պարույր Հայրիկյանը՝ անդրադառնաով մաքսանենգ ճանապարհով իգլա տեսակի զենք ներկրելու մեջ մեղադրվող Սամվել Բաբայանի ձերբակալմանը:
Անդրադառնալով դիտարկմանը, որ ՕՐՕ դաշինքը Ս. Բաբայանի ձերբակալությունը համարում է քաղաքական հետապնդում, Հայրիկյանը նշեց. «Նա նույնիսկ դաշինքի ցուցակում չկա, և ինձ համար հասկանալի չէ, թե ինչու է քաղաքական կողմը շեշտվում, իսկ եթե եղել է որպես ստվերային անձ, ապա ամոթ իրենց, որովհետև մենք այնպիսի ժամանկներում ենք ապրում, որ քաղաքական գործիչները պետք է հրապարակավ աշխատեն հանրության համար»:
«Ստվերում գտնվողներն ինձ համար քաղաքական գործիչներ չեն»,- նշեց Պ. Հայրիկյանը՝ հավելելով, որ իր համար Սամվել Բաբայան անձն ավելին է, քան ստվերային քաղաքական գործիչը:
Հայրիկյանի խոսքով՝ ապօրինի իշխանության համար վտանգ են ներկայացնում բոլոր անկախ մարդիկ:
Մանրամասները՝ տեսանյութում: