Ձեր վերստին ընտրվելու շանսերն ինչպես ե՞ք գնահատում. «Առաջին լրատվական»- ի այս հարցին ի պատասխան՝ ՀՀԿ պատգամավորության թեկնածու Սամվել Ալեքսանյանը նշեց. «Էտի ժողովուրդը պիտի գնահատի»:
Անդրադառնալով դիտարկմանը, որ դպրոցների և մանկապարտեզների տնօրենները ձայներ են հավաքում ՀՀԿ թեկնածուների, այդ թվում նաև իր համար, Ս. Ալեքսանյանը նշեց. «Նման բան չկա, ես դրա կարիքն էլ չունեմ: Ցավդ տանեմ, ես տնօրեններին բան չեմ ասել, իմ ընգերներս են իմ համար աշխատում, իմ թաղի բնակիչներն են օգնում»:
Իսկ ընտրակաշառքի վերաբերյալ Ս. Ալեքսանյանը նշեց. «Ես ո՛չ բիզնես ունեմ, ո՛չ փող ունեմ, մի հոգի մարդ կա՞, որին մենք գումար ենք տվել»: Եվ նստելով մեքենան՝ ասաց՝ էս էլ մեր ընկերոջ մեքենան է: