«Իրազեկ քաղաքացիների միավորում» ՀԿ-ն արձանագրել է, որ 114 դպրոցների տնօրեններ վարչական ռեսուրսի չարաշահում են թույլ տվել և հրապարակել է այդ մասին փաստող ձայնագրությունները:
Այսօր` մարտի 25-ին, լրագրողների հետ զրույցի ժամանակ ՀՀ Կենտրոնական ընտրական հանձնաժողովի նախագահ Տիգրան Մուկուչյանը՝ անդրադառնալով երեկ Sut.am կայքում հրապարակված այդ ձայանգրություններին, նշեց. «Բոլոր ձայնագրությունները խնդրել ենք պարոն Իոնիսյանից, վերցրել ենք, հիմա գնում են ուսումնասիրություններ»:
Մուկուչյանն նշեց, որ բոլոր ձայնագրություններն անհրաժեշտ է լսել. յուրաքանչյուրն իրենից ներկայացնում է մեկ ինքնուրույն փաստական հանգամանք. «Կլսենք, արդյունքում՝ ինչպիսի՞ն կլինեն դիրքորոշումները, դրանց վերաբերյալ կիրազեկենք»: