«Ելք» դաշինքն այսօր քարոզարշավ է իրականացնում Լոռու մարզում: Հաղարծինում ընտրողների հետ հանդիպման ժամանակ «Ելք» դաշինքի պատգամավորության թեկնածու Նիկոլ Փաշինյանը հորդորեց ջանք դնել. «Քաղաքականության մեջ փրկիչը քաղաքացին ինքն է, եթե դուք ձեր ջանքը չդրեցիր, ոչ մի բան չի փոխվելու, ավելի է վատանալու»:
Նիկոլ Փաշինյանը շեշտեց, որ մարդիկ վախենում են գալ հավաքների, բայց թե ինչի, զարմանում է: «Էս ժողովրդի հայ-հայը գնացել է, վայ-վայն է մնացել, ի՞նչից եք վախենում»,-ասաց նա ու պատմեց, որ օրերս նամակ է ստացել Քաջարանի մի բնակչից, ով ասում է, որ «Ելք»-ի ներկայացուցիչ Արամ Սարգսյանին քարոզարշավի ժամանակ չի բարևել, որովհետև վախեցել է, և հայտնում է, որ արդեն 3 օր է, չի կարողանում քնել այդ պատճառով:
«Այ տնաշեն էս ի՞նչ վիճակ ա, բա մենք ի՞նչի ենք գնացել բանտերով, ընդհատակով ամեն ինչ անցել, ենթադրենք` 2 տարի էլ բանտ ենք նստել, ի՞նչ անենք»:
Փաշինյանը հորդորեց ապրիլի երկուսին քվեարկել փոփոխությունների օգտին՝ ձայն տալով նոր սերնդին՝ «Ելք» դաշինքին: Նա հորդորեց ներկաներին փոխանցել մյուսներին հետևյալը. «Նիկոլն ասում էր, որ ձեզ վրա հույս է դնում, ինձ չքաշեք»:
Մանրամասները՝ տեսանյութում:
