«Դեռևս պարզ չէ, թե ինչպիսին է մեղադրանքը և ինչով է հիմնավորված, երբ որ պարզ կլինի, այդ ժամանակ կարելի է եզրակացնել, թե դա որքանով կապ ունի նախընտրական կամպանիայի հետ: Այսօր ռեալ ինֆորմացիա դեռևս չունեն նույնիսկ դաշինքի ներկայացուցիչները, այնպես որ դա ինձ համար դեռևս մեկնաբանության ենթական հարց չէ»,- «Առաջին լրատվական»- ի հետ զրույցում, անդրադառնաով մաքսանենգ ճանապարհով «Իգլա» տեսակի զենք ներկրելու մեջ մեղադրվող Սամվել Բաբայանի ձերբակալմանը ԱԱԾ-ի կողմից, ասաց Հայաստանի Պեմոկրատական կուսակցության նախագահ Արամ Գ. Սարգսյանը:
«Այլ հարց է, թե Սամվել Բաբայանի ձերբակալության մեջ քաղաքական ենթատեքստ կա թե ոչ, դա կերևա ընթացքից: Մենք ընդամենը երկու անգամ ենք հանդիպել, և ՕՐՕ-ի չկայացած դաշինքից մենք դուրս ենք եկել, որի պատճառներից մեկն էլ հենց Սամվել Բաբայանի քաղաքական դիրքորոշումն էր, մենք չենք կարող հանդուրժել, որ մեր փոխարեն որոշումներ կայացնեն, որոշում կայացնողներից մեկն էլ ինքն էր, թեև դաշինքի քաղաքական խորհրդի կազմում չէր»,- նշեց Ա. Սարգսյանը:
Անդրադառնալով հարցին՝ կարո՞ղ էր Ս. Բաբայանը ապակայունացնել իրավիճակը, Ա. Սարգսյանը նշեց, որ այդպիսի փաստեր չկան:
Մանրամասները՝ տեսանյութում:
