ԵՄ պատվիրակության ղեկավար, դեսպան Պյոտր Սվիտալսկին այսօր լրագրողներ հետ զրույցում հայտնեց, որ ԵՄ անդամ պետությունները շատ մոտիկից և սերտորեն մշտադիտարկում և հետևում են ընտրական գործընթացներին, բոլոր իրավախախտումներին և ոչ պատշաճ վարքի դրսևորումներին:
Ստորև ներկայացնում ենք դեսպանի ուղերձը.
Ուրախ եմ ձեզ այսօր այստեղ տեսնել։ Կարծում եմ՝ սա պատեհ առիթ է մեզ հանդիպելու, որովհետև սա մեր վերջին հանդիպումն է նախքան խորհրդարանական ընտրությունները։ Արդեն նախընտրական քարոզարշավը մտել է վճռորոշ փուլ, և կարծում եմ՝ դուք հետաքրքրված կլինեք լսել, թե մենք՝ որպես Եվրամիություն ինչ ունենք այս կապակցությամբ ասելու։
Դուք գիտեք, որ Եվրամիությունը հատկացրել է ավելի քան 7 միլիոն եվրո՝ աջակցելու տեխնոլոգիական սարքավորումներով հագեցմանը։ Հաշվի առնելով մեր անդամ պետությունների՝ Գերմանիայի և Միացյալ Թագավորության աջակությունը, սա Հայաստանի ընտրական գործընթացներին ավելի քան 90 տոկոսի աջակցություն է կազմում։ Հետևաբար, մենք կարևոր են համարում տեխնոլոգիաների հաջող օգտագործումը ընտրական գործընթացներում։ Վաղը կլինի ևս մեկ փորձարկում ընտրողների ինքնությունը հաստատող տեխնոլոգիաների կիրառման հարցում։ Մենք հույս ունենք, որ ամեն ինչ հրաշալի կլինի և այս նոր տեխնոլոգիաները կապահովեն ընտրությունների ավելի լավ մակարդակ։ Եվ հայ ընտրողները պետք է ունենան վստահություն՝ կապված նոր ընտրությունների հետ ։
Ես՝ որպես ամենամեծ դոնոր, կցանկանայի շնորհակալություն հայտնել բոլոր իրագործող կողմերին, մասնավորպես՝ ԿԸՀ-ին, կառավարությանը, որովհետև բոլորը ջանքեր են գործադրել հաջողելու։
Բացի դրանից, դուք գիտեք, որ Եվրամիությունը հատկացրել է մի քանի հարյուր հազար եվրո, որպեսզի աջակցի ընտրության օրը տեղական դիտորդների ներգրավվմանը։ Մենք շատ ուրախ ենք արձանագրել, որ հիմնական շահագրգիռ կողմերը, այսինքն՝ երկու մեծ գործընկերները ջանք են թափում, որպեսզի բոլոր տեղամասերում լինեն տեղական դիտորդներ։ Մենք նրանցից հստակ վստահեցումներ ենք լսել, որ ընտրողների 97 տոկոսի չափն ընդգրկող տեղամասերում դիտորդներ կլինեն։ Դիտորդների ներկայությունը պետք է նույնպես լինի խթանիչ գործոն ընտրողների վստահությունը ընտրական գործընթացներում ամրապնդելու համար։
Երրորդ՝ Եվրամիությունը և նրա անդամ պետությունները շատ մոտիկից և սերտորեն հետևում են ընտրական գործընթացներին, իրավախախտումների բոլոր նշաններին ու ոչ պատշաճ վարքի դրսևորումներին։
Բացի դրանից ,Եվրամիությունը ինչպես նաև մնացած բոլոր հետաքրքրված հաստատությունները՝ ԵԽ դիտորդական առաքելություն իրականացնող անձինք, ԵԱՀԿ դիտորդները կանեն ամեն ինչ՝ արձանագրելու խախտումների դեպքերը, հատկապես ուշադրություն դարձնելով ընտրատեղամասերից չօգտագործված քվեաթերթիկների հեռացմանը՝ այս կերպ բացառելով խախտումները։ Ինչպես գիտենք՝ նոր Ընտրական օրենսգիրքը սահմանել է պատիժ և համարում է օրինախախտում այն, որ չօգտագործված քվեաթերթիկները դուրս են բերում տեղամասերից, և եթե լինեն մեծ տարբերություններ, ապա կնշանակի, որ ինչ որ բան այնպես չե։
Ընդհանուր առմամբ՝ մենք հուսով ենք, որ առաջիկա ընտրությունները կլինեն ավելի լավը և Հայաստանում կանցկացվեն ժողովրդավարական ընտրություններ։ Բայց որոշիչ գործոն է նաև ընտրողների պահվածքը, որովհետև նրանք նշանակալի դերակատարություն ունեն այս ընտրությունները հաջող անցկացնելու գործում՝ ես կցանկանայի իմ խոսքն ավարտել հայ ընտրողներին ուղղված խոսքով։
