«Սամվել Բաբայանի կալանավորումը չի կարող արգելակել մեր գործունեությունը, որը նոր թափ է ստանում, քանզի կան շատ մարդիկ՝ ազատամարտի մասնակիցներ, հրամանատարներ, զինվորականներ, քաղաքական գործիչներ, որոնք կարող են այդ բացը լրացնել: Իհարկե մենք ցավ ենք ապրում, որ դեպքերն այդպես զարգացան և մեր մարտական ընկերը, մեր համակիրը ձերբակալվեց:
Բայց նրա ձերբակալումը բացարձակապես չի կարող ազդել մեր ծավալած գործունեության վրա»,- այս մասին «Առաջին լրատվական»- ի հետ զրույցում ասաց ՕՐՕ դաշինքի անդամ, ազատամարտիկ Մանվել Եղիազարյանը:
«Մարդիկ հոգնել են, ժողովուրդն արդեն ոչ մեկի չի հավատում, մենք պետք է փորձենք այդ հավատքը վերականգնել, նոր պայքարն սկսել: Մեզ բանտերով վախեցնել պետք չէ, մենք բանտերի ենք պատրաստ, մեր մարտական ընկերները և այլ քաղաքացիներ բանտերում են հայտնվել, մարդիկ կան, որ կարելի է ասել, որ հավ գողանալու համար են նստած, այն դեպքում երբ որ ուրիշները միլիարդներ են գողանում:
Մենք պայքարից անմասն չենք մնալու, շարունակելու ենք պայքարը՝ պետք լինի փողոցներում, պետք լինի դահլիճներում»,- նշեց Մ. Եղիազարյանը:
Մանրամասները՝ տեսանյութում: