Միացյալ Նահանգների վարչակազմը մտադիր Է 1 միլիարդ դոլարով կրճատել ՄԱԿ-ի խաղաղապահ գործողությունների բյուջենև հարյուրավոր միլիոն դոլարներով պակասեցնել համաշխարհային կազմակերպության տարբեր ծրագրերի ֆինանսավորումը: Այս մասին հաղորդում է Foreign Policy պարբերականը՝ վկայակոչել ԱՄՆ Պետդեպարտամենտի աղբյուրներին:
Հրատարակության տեղեկատվությամբ՝ Սպիտակ տունը նաև Պետդեպարտամենտին իրազեկել է 326 միլիոն դոլար ընդհանուր գումարով ՄԱԿ-ի և այլ միջազգային կազմակերպությունների, այդ թվում՝ ՄԱԿ-ի Մանկական հիմնադրամի (ՅՈՒՆԻՍԵՖ), ՄԱԿ-ի Զարգացման ծրագրի, տարբեր ծրագրերի ֆինանսավորումը դադարեցնելու մասին:
Ներկայում ԱՄՆ-ը վճարում է ՄԱԿ-ի կանոնավոր բյուջեի, որը կազմում Է մոտավորապես 5,4 միլիարդ դոլար, ավելի քան 22 տոկոսը, ինչպես նաև խաղաղապահ գործողությունների ծախսերի 28,5 տոկոսը, որոնց արժեքը գնահատվում է 7,9 միլիարդ դոլար: Ընդհանուր առմամբ Վաշինգտոնը համաշխարհային կազմակերպության և դրա ծրագրերի վրա ծախսում է շուրջ 10 միլիարդ դոլար:
Այսօրվա դրությամբ ԱՄՆ-ը համաշխարհային կազմակերպության խոշորագույն դոնորն է: