56-ամյա Խաչիկ Մանուելին Սիրիայում նախկին կյանքի մասին հիշեցնում է միայն ոսկեզօծ շրջանակով լուսանկարը, որն արվել է 1993թ. նրա նշանադրության ժամանակ: Այժմ լուսանկարը կախված է Երևանի վարձակալած բնակարանում՝ հյուրասենյակի պատից: Այս մասին գրում է Foreign Policy պարբերականը:
Սիրիացի փախստականների մեծ մասը Հայաստան է ժամանել՝ Սիրիայում թողնելով ամեն ինչ: Մեկ դար առաջ հայերը Օսմանյան կայսրությունում իրականցվող ցեղասպանությունից փրկվելու համար հաստատվեցին Սիրիայում, իսկ այժմ ստիպված են լքել այս երկիրը՝ փաստում է պարբերականը:
Ավելի քան 20 հազար սիրիացիներ, որոնցից շատերը էթնիկ հայեր են, Հայաստան են տեղափովել 2011թ. հետո, երբ Սիրիայում պատերազմ բռնկվեց: Եվ չնայած նրանք իրենց հայրենիքի հետ կապված են էթնիկապես և լեզվով, Հայաստանը սահմանափակ տնտեսական հնարավորություններ է առաջարկում:
«Վերջ ի վերջո, նրանք ուղղակի մարդիկ են, որոնք ցանկանում են ապրել, աշխատել»,-մեջբերում է պարբերականը Անուշ Բաբաջանյանի խոսքերը, որ 2016թ սեպտեմբերից 2017թ. հունվարը նկարահանել է սիրիահայ ընտանիքների:
Եվ քանի դեռ սիրիահայերը պայքարում են իրենց կյանքը վերսկսելու համար, հարց է ծագում՝ արդյոք նրանք կարող են հաստատվել մի երկրում, որը նրանց ընդունել է, բայց չի կարող ապահովել:
