ՀՀ վարչապետ Կարեն Կարապետյանն այսօր ՀՀԿ-ի քարոզարշավի շրջանակներում այցելեց Շենգավիթ վարչական շրջան:
Պետությունը չի կարողանա վերականգնել «Նաիրիտ» գործարանը, բայց խելամիտ ներդրողին կաջակցի հնարավորությունների չափով։ Այս մասին Երեւանի Շենգավիթ համայնքում ընտրողների հետ հանդիպման ժամանակ ասաց ՀՀ վարչապետ Կարեն Կարապետյանը՝ հավելելով, որ վերջին ներդրողներն այնպիսի տպավորություն չեն թողել, որոնց հետ կարելի է մի քանի տարի հետոյի հաշվարկներով պայմանավորվել։
«Հնարավոր ներդրումներից ոչ մեկը նույնիսկ էներգակիրների գների 50-10 տարի անց կանխատեսման հարցում չի արել։ Իսկ նման ձեռնարկությունում եւ շահույթը, եւ ներդրումները վերադարձնելը կախված են դրանից։ Ուրեմն ինչպե՞ս են նրանք պատրաստվում մտնել այնտեղ՝ այդ ամենը չիմանալով: Որ գլուխդ կոխում ես դրա տակ, չե՞ս հասկանում, որ դրա տակից դուրս չես գալու, – նշել է Կարապետյանը։ -Այլ հարց է, որ լուրջ աշխատանքին պատրաստ գործընկերներին պետությունը պատրաստ է օգնել՝ լինեն դրանք հարկային արտոնություններ կամ մեկ այլ բան»։
Մանրամասները՝ տեսանյութում: