Լոնդոնի ոստիկանությունը հայտնել է Լոնդոնի կենտրոնում ահաբեկչություն իրականացրած կասկածյալի անունը: Այդ հայտարարությունը հրապարակվել է ոստիկանության կայքում:
Ահաբեկչության իրականացման մեջ կասկածվում է 52-ամյա Հալիդ Մասուդը: Ոստիկանության տվյալներով՝ տղամարդը ծնվել է Անգլիայի Քենթ կոմսությունում:
Նշվում է, որ վերջին տարիներին կասկածյալը ապրել է Ուեսթ-Միդլենդս կոմսությունում, որտեղ գտնվում է Բիրմինգհեմ քաղաքը: Ահաբեկչությունից հետո որոնումները տեղի են ունեցել Բիրմինգհեմում:
Իրավապահները նշել են, որ ավելի վաղ տղամարդը չի եղել որևէ հետաքննության մեջ, սակայն նա մեղադրվել է ծանր մարմնական վնասվածք պատճառելու, զենք ունենալու և հասարակական կարգը խախտելու համար:
Վերջին անգամ, դանակ կրելու համար նրան ձերբակալել են 2003 թվականի դեկտեմբերին: Սակայն ահաբեկչական գործողությունների համար Մասուդը ոչ մի անգամ պատասխանատվության չի ենթարկվել:
Ոստիկանությունը Լոնդոնում մարտի 22-ին տեղի ունեցած հարձակումն անվանել է ահաբեկչությունն Կասկածյալը մահացել է: