Գուպի ձկնիկների մեծ ուղեղ ունեցող էգերը իրենց համար ընտրում են պայծառ և գույնզգույն զուգընկերների, պարզել են գիտնականները: Այդ հետազոտությունը հրապարակվել է Science Advances պարբերականում:
Ավելի վաղ հետազոտողները պարզել էին, որ գուպիների ինտելեկտն ուղղակիորեն կապված է նրանց ուղեղի չափի հետ: Գիտնականները հետևել են միջինից մեծ ուղեղ ունեցող և միջինից ցածր ուղեղ ունեցող 36-ական էգերի: Ակվարիումում էգերը հնարավորություն են ունեցել ազատ տեղաշարժվելու, իսկ արուները բաժանվել են ըստ գունավորման և տեղավորվել ակվարիումի տարբեր կողմերում:
Մեծ և միջին ուղեղով էգերը ընտրել են վառ գունավորմամբ արուներին, իսկ փոքր ուղեղովների համար տարբերություն չի եղել: Գիտնականները ենթադրում են, որ վառ գույնը ընդունվում է որպես առողջության ինդիկատոր: